இந்தியா வந்துள்ள நியூசிலாந்து அணி மூன்று போட்டிகள் கொண்ட டெஸ்ட் தொடரில் பங்கேற்கிறது. முதல் டெஸ்டில் இந்தியா தோற்றது. இரண்டாவது டெஸ்ட் நேற்று புனேயில் துவங்கியது. முதலில் பேட்டிங் செய்த நியூசிலாந்து அணி முதல் இன்னிங்சில் 259 ரன்னுக்கு ஆல் அவுட்டானது. இந்திய சுழல் வீரர்கள் வாஷிங்டன் சுந்தர் 7 விக்., அஷ்வின் 3 விக்., வீழ்த்தினர். அடுத்து முதல் இன்னிங்சை துவக்கிய இந்திய அணியில் கேப்டன் ரோகித் 'டக்' அவுட்டானார். முதல் நாள் முடிவில் இந்திய அணி முதல் இன்னிங்சில் 16/1 ரன் எடுத்து, 243 ரன் பின் தங்கி இருந்தது.

இன்று இரண்டாவது நாளில் இந்திய பேட்டர்கள் வரிசையாக ஆட்டமிழந்தனர். ஜெய்ஸ்வால் (30), சுப்மன் கில் (30), ரிஷப் பன்ட் (18), சர்பராஸ் கான் (11), ஜடேஜா (38), வாஷிங்டன் சுந்தர் (18) ஆகியோரை தவிர மற்றவர்கள் ஒற்றை இலக்கத்தில் வெளியேறினர். 156 ரன்களுக்கு இந்திய அணி சுருண்டது. நியூசிலாந்து சுழல் வீரர் சான்ட்னர் 7 விக்., வீழ்த்தினார். 103 ரன்கள் முன்னிலையுடன் நியூசிலாந்து அணி 2வது இன்னிங்சை துவக்கியது.