பெங்களூரு பீன்யா 3வது பேஸ், 4வது கிராஸ் கணபதி நகரில் ஸ்ரீ சிவசக்தி மாரியம்மன் கோவில் உள்ளது. இந்த கோவிலில் இரண்டாவது மஹா கும்பாபிஷேக விழா, வரும் 18ம் தேதி துவங்குகிறது.

முதல் நாளான வரும் 18ம் தேதி காலை 7:30 மணிக்கு கங்கா பூஜை, சுமங்கலி பூஜை; காலை 9:00 மணிக்கு கணபதி ஹோமம், நவக்கிரக ஹோமம், மஹா மங்களாரத்தி நடக்கிறது. பின், பக்தர்களுக்கு பிரசாதம் வழங்கப்படுகிறது.

அன்று மாலை 5:00 மணிக்கு வாஸ்து சாந்தி, மிருத் சங்கரஹனா, அங்குரார்ப்பணம், ரக் ஷா பந்தன், கும்ப அலங்காரம், கால ஆகர்ஷனே, முதல் யாகசாலை பூஜை ஹோமம். இரவு 9:00 மணிக்கு மஹா மங்களாரத்தி, பக்தர்களுக்கு பிரசாதம் வினியோகம்.

இரண்டாவது நாளான 19ம் தேதி காலை 8:30 மணிக்கு இரண்டாவது கால யாகசாலை, தேவி மூல மந்திரம், சாந்தி ஹோமம்; மாலை 5:30 மணிக்கு மூன்றாவது கால யாகசாலை, லலிதா ஹோம பூஜை, சகஸ்ர நாம ஹோமம், குங்குமம் அலங்காரம்; இரவு 8:30 மணிக்கு மஹா மங்களாரத்தி, இரவு 9:00 மணிக்கு நவரத்தின பஞ்ச லோக ஸ்தாபனம் அஷ்ட பந்தன சமர்ப்பணம்.

மூன்றாம் நாளான 20ம் தேதி அதிகாலை 4:30 மணிக்கு 4வது கால யாகசாலை, கலா ஹோமம், தத்வ ஹோமம், நாடி சந்தான பூர்வாக ஹோமம்; காலை 6:30 மணிக்கு மஹா பூர்ணாஹூதி, காலை 7:10 மணிக்கு கலச ஊர்வலம், விமான கோபுரம் மற்றும் ராஜ கோபுரத்திற்கு புனித நீர் ஊற்றி மஹா கும்பாபிஷேகம் நடத்தப்படுகிறது.

மதியம் 12:00 மணிக்கு சிறப்பு அலங்காரம், மஹா மங்களாரத்தி, பக்தர்களுக்கு பிரசாதம் வினியோகம்.

விழா ஏற்பாடுகளை செய்துள்ள ஸ்ரீசிவசக்தி மாரியம்மன் கோவில் டிரஸ்ட் நிர்வாகிகள் மற்றும் தேவி உபாசகர் சரவணா சுவாமிகள், பக்தர்களுக்கு அழைப்பு விடுத்துள்ளனர்.