முகாம்

இது, முகாமிட்டு தங்கவும் ஏற்ற இடமாகும். சாகச பிரியர்கள் கூடாரம் அமைத்து கொள்ளலாம். கூடாரம் அருகில் நீங்களே தீ மூட்டி, எளிய உணவு சமைத்து சாப்பிடலாம். இரவு நேரத்தில் வானத்தில் நட்சத்திரங்களை பார்த்தபடி பேசிக் கொண்டிருக்கலாம். இரவு நேரத்தில் அணையில் நீரின் அலைகளை கேட்டபடியே இருக்கலாம்.

நீச்சல்

இங்குள்ள நீர் சுத்தமானதாகவும், அமைதியானதாகவும் இருக்கும். எப்போது சென்றாலும் நீந்தலாம். நீச்சல் தெரியாதவர்கள், உயிர் காக்கும் கவசத்தை அணித்து கொண்டு நீந்துவது நல்லது.

பரிசல்

அணையில் உள்ள சிறிய தீவுக்கு செல்ல, பரிசல் வசதியும் உள்ளது. இந்த பரிசலில் நான்கு முதல் ஆறு பேர் அமர்ந்து பயணிக்கலாம்.

கெனோயிங்

'கெனோயிங்' என்பது இருவர் மட்டுமே அமர்ந்து, அவர்களே துடுப்பு போட்டு பயணிக்கும் படகு. இதில் பயணிக்க அசாத்திய திறமை வேண்டும். இருவரும் சமநிலையில் ஒருங்கிணைப்புடன் துடுப்பு போட வேண்டும்.

ராப்டிங்

'ராப்டிங்' என்பது ஒரே ரப்பர் படகில் ஆறு முதல் ஒன்பது பேர் வரை பயணிக்க கூடிய சவாரியாகும். இங்கு வரும் நீர்வாழ் ஆர்வலர்கள், இதில் பயணிப்பதை விரும்புவர்.

கயாக்கிங்

கயாக்கிங் என்பது ஒருவர் மட்டுமே பயணிக்க கூடிய படகாகும். இந்த படகை ஓட்ட திறமை, நதியின் நெழிவு சுழிவுகளை தெரிந்திருக்க வேண்டும். இதில் பயணிப்பதால், சாகச பிரியர்கள் உற்சாகம் அடைகின்றனர்.

பாய்மர சர்பிங்

பெரிய அளவிலான பாய்மரத்தை நின்று கொண்டு பிடித்தபடி, காற்றுக்கு ஏற்ற வகையில் சவாரி செய்யும் படகாகும். இதில் பயணிப்போர் காற்று வீசும் திசையை அறிந்து, அதற்கு ஏற்றபடி சமநிலையில் இயக்க வேண்டும்.

மலையேற்றம்

ஹொன்னாமரடு மலையேற்றத்துக்கு சிறந்த இடமாகும். இயற்கை அழகை ரசித்தபடி பயணிக்கலாம். அதுபோன்று பறவைகள் ஆர்வலர்களுக்கும் ஏற்ற இடம். பலவகையான பறவைகளை ஒரே இடத்தில் காணலாம்.

ஆகஸ்ட் மற்றும் டிசம்பர் மாதங்களில் இங்கு செல்வது சரியான நேரமாகும்.

- நமது நிருபர் -