ஏற்கனவே எம்.பி.,யாக இருந்து மீண்டும் தேர்ந்தெடுக்கப்பட்டவர்களுக்கு அரசு பங்களாக்கள் இருக்கும்.

எனவே அவர்கள் அதில் தங்கலாம். ஆனால் புதிதாக தேர்ந்தெடுக்கப்பட்ட எம்.பி.,க்கள், அவர்களுடைய மாநில அரசு இல்லங்களில் அல்லது டில்லியில் நட்சத்திர ஹோட்டல்களில் தங்க வைக்கப்படுவர்; இதற்கான ஏற்பாடுகள் செய்யப்பட்டு உள்ளன.

லோக்சபா செயலகத்தில் காகிதங்கள் வாயிலாக நடைபெறும் வேலைகள், தற்போது ஆன்லைனில் நடக்கின்றன. புதிய எம்.பி.,க்கள் லோக்சபா செயலகத்தில் பதிவு செய்ய வேண்டும். இதற்கான சாப்ட்வேர் தயாராகி விட்டது; அதில், எம்.பி.,க்களின் சொந்த விபரங்கள் பதிவு செய்யப்படும். இதை வைத்து, அவர்களுக்கு அடையாள அட்டை மற்றும் மத்திய அரசின் மருத்துவ அட்டையும் தரப்படும்.