சங்ராம் தோப்டே புனே மாவட்டம் போர் தொகுதியில் இருந்து 3 முறை எம்எல்ஏவாக தேர்ந்து எடுக்கப்பட்டார். பாரம்பரிய காங்.குடும்பத்தைச் சேர்ந்தவர். இவரின் தந்தை அனந்த்ராவ் தோப்டே 6 முறை எம்.எல்.ஏ.,வாக தேர்ந்து எடுக்கப்பட்டவர்.

2024 சட்டசபை தேர்தலில் தேசியவாத காங். வேட்பாளர் சங்கர் மண்டேகரிடம் தோல்வியை தழுவினார். கட்சிக்குள் தொடர்ந்து புறக்கணிக்கப்படுவதாக கூறி வந்த சங்ராம் தோப்டே, சில நாட்களுக்கு முன்பு கட்சியில் இருந்து ராஜினாமா செய்தார். அதன் பின்னர் தமது சமூக வலைதள பக்கத்தில் இருந்த காங்கிரஸ் சின்னத்தையும் நீக்கினார்.

இந் நிலையில் அவர் விரைவில் பா.ஜ.,வில் தம்மை இணைத்துக் கொள்ள இருக்கிறார். இதுகுறித்து சங்ராம் தோப்டே கூறி இருப்பதாவது;

காங். தலைமை என்னை புறக்கணித்ததே இதற்கு காரணம். சில ஆண்டுகளாக நான் கட்சியில் இருந்து புறக்கணிக்கப்பட்டேன். 2019ம் ஆண்டு மகா. விகாஸ் அகாடி அரசாங்கம் ஆட்சிக்கு வந்த போது அமைச்சர் பதவி கிடைக்கும் என்று நம்பினேன். ஆனால் கிடைக்கவில்லை.

எதிர்க்கட்சித் தலைவர் பதவியையும் எதிர்பார்த்தேன். அதுவும் கிடைக்கவில்லை.

இவ்வாறு அவர் கூறி உள்ளார்.