வடகிழக்கு டில்லி கரவால் நகரில் வசிப்பவர் பர்தீப் காஷ்யப்,29. மனைவி மற்றும் இரண்டு மகள்களுடன் வசித்தார். கணவன் - மனைவி இடையே அடிக்கடி தகராறு ஏற்பட்டுள்ளது.

இந்நிலையில், நேற்று முன் தினம் நள்ளிரவு இருவருக்கும் வழக்கம் போல் வாக்குவாதம் ஏற்பட்டுள்ளது. கடும் ஆத்திரம் அடைந்த பர்தீப், மனைவி மற்றும் இரண்டு மகள்களை கொலை செய்து விட்டு தப்பினார்.

நேற்று காலை, 7:00 மணிக்கு அக்கம் பக்கத்தினர் கொடுத்த தகவல்படி, கரவால் நகர் போலீசார் வந்து, காஷ்யபின் 28 வயது மனைவி, ஏழு மற்றும் 5 வயது உடைய இரண்டு மகள்கள் உடல்களையும் மீட்டு அரசு மருத்துவ மனைக்கு அனுப்பினர்.

இதுகுறித்து வழக்குப் பதிவு செய்த போலீசார், முகுந்த் விஹாரில்- பதுங்கி இருந்த பர்தீப் காஷ்யபை கைது செய்தனர். மனைவி, குழந்தைகளை கொலை செய்ததை காஷ்யப் ஒப்புக்கொண்டார்.

காஷ்யப் குடும்பத்தின் பின்னணி மற்றும் தகராறு குறித்து, அக்கம் பக்கத்தினர் மற்றும் காஷ்யபின் உறவினர்களிடம் விசாரணை நடக்கிறது.