ஆந்திராவில், முதல்வர் சந்திரபாபு நாயுடு தலைமையில் தெலுங்கு தேசம், பா.ஜ., ஜனசேனா கூட்டணி ஆட்சி நடக்கிறது.

திறப்பு விழா இங்குள்ள கர்னுால் மாவட்டத்தில், கோலிமிகுண்ட்லா கிராமத்தில் கட்டப்பட்டுள்ளது ஸ்ரீ லட்சுமி நரசிம்ம சுவாமி கோவில். இந்த கோவிலுக்கான திறப்பு விழா நேற்று நடந்தது. இதில், ஆயிரக்கணக்கான பக்தர்கள் பங்கேற்றனர்.

ஆந்திர மாநில சாலை மற்றும் கட்டுமானத்துறை அமைச்சர் பி.சி.ஜனார்த்தனன் ரெட்டியின் சகோதரர், மதன் பூபால் ரெட்டியும் விழாவுக்கு வந்தார். அப்போது கோவிலுக்குள் வி.ஐ.பி.,க்களுக்கான சிறப்பு வழியில் தன்னை அனுமதிக்கும்படி, பணியில் இருந்த போலீசாரிடம் கேட்டார். ஆனால், அதற்கு அனுமதி மறுக்கப்பட்டது.

இதனால், கோபமடைந்த மதன் பூபால், போலீசாருடன் வாக்குவாதத்தில் ஈடுபட்டார். ஒருகட்டத்தில் கோபம் தலைக்கேறிய மதன் பூபால், கான்ஸ்டபிள் ஜஸ்வந்தை கன்னத்தில் ஓங்கி அறைந்தார். இது தொடர்பான காட்சி, சமூக வலைதளங்களில் வெளியாகி சர்ச்சையை ஏற்படுத்தி உள்ளது.

சட்டவிரோத செயல் 'இந்த சம்பவம், தெலுங்கு தேசம் கட்சித் தலைவர்கள் மற்றும் அவர்களது குடும்பத்தினரின் ஆணவம் மற்றும் சட்டவிரோத செயல்களை வெளிச்சம் போட்டு காட்டுகிறது. பொது இடத்தில் நடந்த இந்த சம்பவம் தொடர்பாக, போலீசார் உடனடி நடவடிக்கை எடுக்காதது ஏன்?' என, எதிர்க்கட்சியான ஒய்.எஸ். ஆர்.காங்கிரஸ் கேள்வி எழுப்பியுள்ளது.

இதைத்தொடர்ந்து, அமைச்சரின் சகோதரர் மதன் பூபால் ரெட்டி கைது செய்யப்பட்டார்.

மேலும், தன் சகோதரர் மீது கடுமையான சட்ட நடவடிக்கை எடுக்க வேண்டும் என்றும் அமைச்சர் ஜனார்த்தனன் ரெட்டி வலியுறுத்தினார்.