இது தொடர்பாக அவர் அளித்த பேட்டி, ஒவ்வாரு ஆண்டும் காவிரியில் இருந்து கர்நாடகா நீர் திறந்து விட கோரி காவிரி மேலாண்மை ஆணையத்தில் தமிழகம் மனு போடுகிறது. எங்களுக்கே தண்ணீர் இல்லை என தெரிவிக்கிறோம். நீர் திறந்து விடுமாறு தமிழகம் எங்களுக்கு நெருக்கடி கொடுத்து வருகிறது. இந்த பிரச்னையில் எங்கள் மாநிலத்தில் உள்ள நீர்தேக்கங்களை ஒரு முறை கூட காவிரி நீர் மேலாண்மை ஆணையம் வந்து ஆய்வு செய்யாதது வருத்தமளிக்கிறது.

பிரதமர் மோடியால் மட்டுமே காவிரி பிரச்னையை முடிவுக்கு கொண்டு வர முடியும். அதற்கு மீ்ண்டும் மோடியே பிரதமராக வரவேண்டும். காவிரி விவகாரத்தில் பிரதமர் மோடி தலையிட வேணடும்.

நான் ராஜ்யசபா எம்.பி.யாக இன்னும் இரண்டரை ஆண்டுகள் இருப்பேன். அதுவரை கர்நாடகாவின் உரிமையை பாதுகாப்பேன். என் கடைசி மூச்சு உள்ளவரை காவிரி விவகாரத்தில் கர்நாடா நலனுக்காக பாடுபடுவேன். வரும் பிப்1-ம் தேதி பார்லிமென்ட் பட்ஜெட் கூட்டத்தொடர் கூடுகிறது. இதில் எனது கருத்தை எடுத்துரைப்பேன். இவ்வாறு தேவகவுடா பேட்டியளித்தார்.