விஸ்வரூபத்திற்கு 2 தேசிய விருது கிடைத்தது; சிறந்த பாடகராக சங்கர்மகாதேவனுக்கு விருது
விஸ்வரூபத்திற்கு 2 தேசிய விருது கிடைத்தது; சிறந்த பாடகராக சங்கர்மகாதேவனுக்கு விருது
UPDATED : மார் 18, 2013 04:05 PM
ADDED : மார் 18, 2013 04:01 PM

புதுடில்லி: 2012 ம் ஆண்டுக்கான தேசிய விருது அறிவிக்கப்பட்டுள்ளது.
பின்னணி பாடகர் சங்கர்மகாதேவனுக்கும் விஸ்வரூப படத்திற்கு 2 விருதுகளும் கிடைத்துள்ளன. இன்று அறிவிக்கப்பட்டுள்ள விருதுகள் விவரம் வருமாறு:
தமிழ் திரைப்படமாக பாலாஜி சக்திவேல் இயக்கிய வழக்கு எண் 18 / 9 என்ற திரைப்படம் சிறந்த பிராந்திய படமாகவும், சிறந்தஒப்பனைக்காகவும் தேர்வு செய்யப்பட்டுள்ளது. இந்த படத்தில் கதாநாயகனாக ஸ்ரீயும், கதாநாயகியாக ஊர்மிளாமகந்தாவும் நடித்துள்ளனர். கஹானி என்ற இந்தி திரைப்படம் சிறந்த திரைக்கதைக்காக விருது பெறுகிறது. இந்தி திரைப்படம் பான்சிங் தோமர் என்ற படத்தில் நடித்த இர்பான் சிறந்த நடிகராகவும் தேர்வு செய்யப்பட்டுள்ளார். விஸ்வரூபம் 2 விருதை தட்டி சென்றுள்ளது. சிறந்த நடனம், தயாரிப்பு வடிவமைப்பிற்கு விஸ்வரூபம் தேர்வு செய்யப்பட்டுள்ளது. விக்கி டோனர் என்ற இந்தி திரைப்படம் சிறந்த பொழுது போக்கு படமாகவும், தேர்வு செய்யப்பட்டுள்ளது. இயக்குனர் பாலா இயக்கிய பரதேசி என்ற திரைப்படம் சிறந்த ஆடை வடிவமைப்பாளருக்கான விருதைபெற்றுள்ளது.
சிட்டாகாங் என்ற படத்தில் பாடியமைக்காக சங்கர்மகாதேவனும் தேசிய விருதுக்கு தேர்வு செய்யப்பட்டுள்ளார். மராத்தி மொழி படத்தில் நடித்த உஷாஜாதவ் சிறந்த நடிகைக்கான விருதை பெறுகிறார்.
