போராட்டம் நடத்துவோம்! திரிணமுல் காங்கிரஸ் கட்சியினர் மீது தாக்குதல் சம்பவங்கள் தொடர்ந்தால், டில்லியில் உள்ள பா.ஜ., தலைவர்களின் வீடுகளுக்கு முன் நாங்கள் போராட்டம் நடத்துவோம். எங்கள் கட்சி அலுவலகத்தின் மீதான இந்தத் தாக்குதல், மேற்கு வங்கத்தில் சீர்குலைந்து வரும் சட்டம் – ஒழுங்கு நிலையை வெளிப்படுத்துகிறது. மம்தா பானர்ஜி தலைவர், திரிணமுல் காங்கிரஸ் கட்சி

தனித்து போட்டி! உத்தர பிரதேச சட்டசபை தேர்தல் உட்பட அனைத்து தேர்தல்களிலும் எங்கள் கட்சி இனி தனித்துப் போட்டியிடும். நாங்கள் எந்தவொரு கூட்டணியையோ, கட்சியையோ சார்ந்திருக்க மாட்டோம். ஒடுக்கப்பட்ட பிரிவினரை ஆளும் வர்க்கமாக மாற்றுவதே எங்கள் நோக்கம். இந்த இலக்கை அடைய, அதிகாரத்தை கைப்பற்றுவது அவசியம். மாயாவதி தலைவர், பகுஜன் சமாஜ் கட்சி