நீண்ட கால இலக்குகள்! தமிழக பா.ஜ., முன்னாள் தலைவர் அண்ணாமலை கட்சியில் இருந்து விலகியது அவரது சொந்த முடிவு. இதை பற்றி நான் கருத்து சொல்ல முடியாது. பா.ஜ., ஒரு மிகப்பெரிய தேசிய கட்சி. குறுகிய கால அரசியல் கணக்குகளை விட, நீண்ட கால தேசிய இலக்குகளிலேயே நாங்கள் கவனம் செலுத்தி வருகிறோம். ராதா மோகன் தாஸ் அகர்வால் ராஜ்யசபா எம்.பி., - பா.ஜ.,

முற்றிலும் வதந்தி! காங்., கட்சியுடன் திரிணமுல் காங்கிரசை இணைக்கும் பேச்சுக்கே இடமில்லை. ஊடகங்களில் பரவி வரும் தகவல் முற்றிலும் வதந்தி. கட்சியின் அதிருப்தி எம்.எல்.ஏ.,க்கள், எம்.பி.,க்கள், பா.ஜ.,வுக்கு பயந்து அக்கட்சிக்கு ஆதரவு தருகின்றனர். இது அரசியல் தந்திரம். பா.ஜ.,வுக்கு இது போன்ற வேலைகள் எல்லாம் அத்துப்படி. கல்யாண் பானர்ஜி லோக்சபா எம்.பி., - திரிணமுல் காங்., கட்சி