ராணுவத்தினர் கொடி தினத்தை முன்னிட்டு கடற்படைத் தளபதி அட்மிரல் திரிபாதி கூறியதாவது: டில்லியில் மத்திய ஆயுதப்படை வாரியத்தால், இன்று நடத்தப்பட்ட நிகழ்ச்சி சிறப்பாக இருந்தது. ஏற்பாட்டாளர்களை வாழ்த்துகிறேன். டில்லியின் துணைநிலை கவர்னர், முதல்வர் மற்றும் வாரியத்திற்கு நன்றி தெரிவித்து கொள்கிறேன்.

சங்க உறுப்பினர்கள் மற்றும் குழந்தைகளை சந்தித்தது மகிழ்ச்சியளிக்கிறது. சமூகத்தின் பிற மக்களைச் சந்திக்க எங்களுக்கு வாய்ப்பு கிடைத்தது. மேலும் குழந்தைகளின் நிகழ்ச்சியைக் கண்டது மிகவும் மகிழ்ச்சியாக இருந்தது. நமது ஆயுதப்படைகள், ராணுவம், கடற்படை, விமானப்படை தொடர்ந்து பெருமையுடன் தேசத்திற்கு சேவை செய்கின்றன.

ஆபரேஷன் சிந்தூர் போன்ற நடவடிக்கைகள் நமது உறுதியைக் காட்டுகின்றன. இந்தியாவை யாரும் அச்சுறுத்தினால், கடும் பதிலடியை எதிர்கொள்ள நேரிடும். இதை ஆபரேஷன் சிந்தூரின் போது நாங்கள் நிரூபித்தோம், எதிர்காலத்திலும் அதை நிரூபிப்போம்.

ஆபரேஷன் சிந்தூர் ராணுவ நடவடிக்கை நிறுத்தப்பட்டிருந்தாலும், அது இன்னும் முடிவடையவில்லை. அந்த நேரத்தில் மத்திய அரசு எடுத்த நடவடிக்கைகள் குறித்தும் நீங்கள் அறிந்திருப்பீர்கள். இந்த நாட்டின் மக்கள் ஆயுதப்படைகளைப் பற்றி பெருமைப்படுகிறார்கள் என்பதை நான் உணர்கிறேன். இவ்வாறு கடற்படை தளபதி அட்மிரல் திரிபாதி தெரிவித்தார்.