மாநிலத்தில் நக்சல் தாக்குதல்களின் எண்ணிக்கை குறைந்துள்ளது. சுக்மா, தந்தேவாடா, பிஜாப்பூர் போன்ற முக்கிய பகுதிகளில் பாதுகாப்பு முகாம்கள் அதிகரித்துள்ளன.

இந்நிலையில் விஜய் சர்மா கூறியதாவது:

'பஸ்தார் இப்போது நக்சலிசத்தை வேரறுக்க விரும்புகிறது. நான் பஸ்தாரில் ஆயிரக்கணக்கான மக்களைச் சந்தித்திருக்கிறேன், அவர்கள் இப்போது அதை முடிவுக்குக் கொண்டுவர விரும்புகிறார்கள். பஸ்தார் இளைஞர்களை ராய்ப்பூருக்கு அழைத்து வந்து அவர்களுக்கு வளர்ச்சி மற்றும் உள்கட்டமைப்பைக் கொடுக்கிறோம். இந்த இளைஞர்கள் டிவி கூட பார்த்ததில்லை. இங்குள்ள கிராமங்களில் வளர்ச்சி இல்லை, நீர்ப்பாசன வசதி இல்லை, மின்சாரம் இல்லை, தண்ணீர் இல்லை, பள்ளிகள் இல்லை, மொபைல் போன்கள் இல்லை, இணைப்பு இல்லை, சாலைகள் இல்லை. இந்த நிலைமைகளை பொறுத்துக்கொள்ள முடியாது.

அங்கு வளர்ச்சியைக் கொண்டுவருவதற்கு அரசாங்கம் அர்ப்பணிப்புடன் உள்ளது

அவர்களிடம் எந்த கோரிக்கைகளும் இல்லாததால் பேச்சுவார்த்தைக்கு வாய்ப்பு இல்லை; அவர்கள் துப்பாக்கி முனையில் அரசாங்கத்தை அமைக்க விரும்புகிறார்கள். ஆனாலும், அரசு, அவர்களுக்கு மறுவாழ்வு அளித்து, அரசாங்கத்துடன் கலந்துரையாட உதவத் தயாராக உள்ளது. அடுத்த ஒரு வருடத்தில் பஸ்தாரில் இருந்து நக்சலிசம் முடிவுக்கு வரும் என்று நான் நம்பிக்கையுடன் கூறுகிறேன். பொது வாழ்வில் சேர விரும்பும் நக்சலைட்டுகளை மறுவாழ்வு செய்ய அரசாங்கம் தயாராக இருப்பதாகவும், இதற்காக ஒரு சரணடைதல் கொள்கையும் வகுக்கப்பட்டுள்ளது.

பாதுகாப்பு நடவடிக்கைகள் மற்றும் வளர்ச்சித் திட்டங்கள் மூலம் நக்சல்களை எதிர்கொள்ள மாநில அரசு தீவிரமாக செயல்படுவதைக் காட்டுகிறது.

இவ்வாறு விஜய் சர்மா கூறினார்.