டைம்லைன்
தினமலர் டிவி
Podcast
iPaper
சினிமா
கோயில்கள்
புத்தகங்கள்
Subscription
திருக்குறள்
கடல் தாமரை
உடம்பில் இவ்ளோ பிரச்னை, ஆனாலும் வென்றார் வெள்ளி; ஒலிம்பிக் நாயகன் நீரஜ் சோப்ராவுக்கு விரைவில் அறுவை சிகிச்சை!
உடம்பில் இவ்ளோ பிரச்னை, ஆனாலும் வென்றார் வெள்ளி; ஒலிம்பிக் நாயகன் நீரஜ் சோப்ராவுக்கு விரைவில் அறுவை சிகிச்சை!
ADDED : ஆக 10, 2024 07:39 AM
டில்லி; நீரஜ் சோப்ராவுக்கு கூடிய விரைவில் முக்கிய அறுவை சிகிச்சை மேற்கொள்ள வேண்டும் என்று மருத்துவர்கள் குழு அறிவுறுத்தி உள்ள தகவல் ரசிகர்கள் மத்தியில் அதிர்ச்சியை ஏற்படுத்தி உள்ளது.
வெள்ளிப்பதக்கம்
பாரிஸ் ஒலிம்பிக்கில், ஈட்டி எறிதல் போட்டியில் நீரஜ் சோப்ரா வெள்ளிப்பதக்கம் வென்று அசத்தினார். இதன் மூலம் பாரிஸ் ஒலிம்பிக்கில் முதல் வெள்ளிப்பதக்கம் வென்ற வீரர் என்ற பெருமையையும் பெற்றார்.
குவியும் வாழ்த்துகள்
அவருக்கு பிரதமர் மோடி உள்ளிட்ட பல்வேறு அரசியல் கட்சிகளின் தலைவர்கள், பொதுமக்கள் வாழ்த்து தெரிவித்து வருகின்றனர். இந் நிலையில், நீரஜ் சோப்ரா விரைவில் அறுவை சிகிச்சைக்கு தயாராக வேண்டும் என்று அவரது மருத்துவர்கள் அறிவுறுத்திய விவரம் தற்போது வெளியாகி உள்ளது.
ஹெர்னியா
இதுகுறித்து மருத்துவர்கள் கூறி இருப்பதாவது; நீரஜ் சோப்ராவுக்கு இடுப்பும், தொடையும் சேரும் இடத்தில் நீண்ட நாட்களாக தொந்தரவு இருந்து வருகிறது. அவருக்கு ஏற்கனவே ஹெர்னியா பாதிப்பும் உள்ளது.
சாதிக்க வேண்டும்
அவரின் உடல்பாதிப்புகளை சரி செய்ய அறுவை சிகிச்சை செய்தாக வேண்டும். 2022ம் ஆண்டு உலக சாம்பியன்ஷிப் போட்டியின் போதே நீரஜ்க்கு உடலில் பாதிப்புகள் இருப்பது தெரிந்தது. ஆனால் பாரிஸ் ஒலிம்பிக் தொடரில் சாதிக்க வேண்டும் என்பதற்காக அறுவை சிகிச்சையை தள்ளி வைத்துக் கொண்டே இருந்துள்ளார் என்று கூறி உள்ளனர்.
நேரம் வந்துவிட்டது
இதுபற்றி நீரஜ் சோப்ரா கூறுகையில், அறுவை சிகிச்சை செய்தாக வேண்டும் என்று மருத்துவர்கள் தொடர்ந்து என்னிடம் அறிவுறுத்தினர். நான் அதை தள்ளிபோட்டபடியே தொடர்ந்து சிகிச்சை எடுத்துக் கொண்டு இருந்தேன். ஆனால் தற்போது ஒரு முக்கியமான முடிவை எடுக்க வேண்டிய நேரம் வந்துவிட்டது என நினைக்கிறேன் என்று கூறி உள்ளார்.