நாடு முழுவதும் உள்ள மருத்துவ கல்லூரிகளில் இளநிலை மருத்துவ படிப்புகளில் சேருவதற்கான நீட் நுழைவுத் தேர்வு வரும் மே 5ம் தேதி நடைபெற உள்ளது. 557 நகரங்களில் பிற்பகல் 2 மணி முதல் மாலை 5:20 மணி வரை இத்தேர்வு நடக்க இருக்கிறது. 14 வெளிநாடுகளிலும் நீட் தேர்வு நடக்கிறது. மொத்தம் 24 லட்சம் மாணவ-மாணவிகள் இத்தேர்வை எழுதுகின்றனர்.

தேர்வு எழுதும் மாணவர்களுக்கு எந்தெந்த நகரங்களில் தேர்வு மைய கூடங்கள் உள்ளது என்ற விவரம் கடந்த மாதம் இறுதியில் அறிவிக்கப்பட்டது. இந்த நிலையில் இன்று நீட் தேர்வுக்கான ஹால் டிக்கெட் வெளியிடப்பட்டுள்ளது. https://exams.nta.ac.in/NEET என்ற வெப்சைட்டில் ஹால் டிக்கெட்டை பதிவிறக்கம் செய்து கொள்ளலாம். விண்ணப்ப படிவ எண் மற்றும் பிறந்த தேதியை பதிவிட்டு பெறலாம்.

ஹால் டிக்கெட் பெறுவதில் ஏதாவது சிரமம் ஏற்பட்டால் 011-40759000 அல்லது neet@nta.ac.in இணையதளத்தில் புகார் செய்யலாம் என்றும் தெரிவிக்கப்பட்டுள்ளது.