முதல்வர் குமாரசாமியும் பா.ஜ., பேரம் பேசியதற்கான ஆதாரங்களை வெளியிட்டார். இதனால் பரபரப்பு ஏற்பட்டது. ஆட்சியை கவிழ்க்க தாங்கள் முயற்சி செய்ய மாட்டோம் என்று எடியூரப்பாவும் கூறி இருந்தார்.இந்நிலையில் பெங்களூருவில் கட்சி கூட்டம் ஒன்றில் பேசிய எடியூரப்பா, வரும் லோக்சபா தேர்தலில் கர்நாடகாவில் 22 இடங்களை எங்களுக்கு கொடுங்கள். அடுத்த 24 மணிநேரத்தில் கர்நாடகாவில் ஆட்சி அமைப்போம் என்றார். கர்நாடகாவில் மொத்தமுள்ள 28 லோக்சபா தொகுதிகளில் பா.ஜ.,விற்கு நிச்சயமாக 22 தொகுதிகள் கிடைக்கும் எனவும் எடியூரப்பா நம்பிக்கை தெரிவித்துள்ளார். இதனால் லோக்சபா தேர்தலுக்கு பிறகு கர்நாடகாவில் ஆட்சி அமைக்க உரிமை கோருவதற்கு பா.ஜ., தயாராகி வருவதாக கூறப்படுகிறது.