கலிபோர்னியாவில் உள்ள வேற்று கிரக நுண்ணறிவுகளை தேடும் திட்ட அமைப்பு வேற்று கிரகவாசிகள் குறித்த ஆழமான விண்வெளி ஆய்வுகளின் தொகுப்பை இதுவரை இல்லாத அளவுக்கு வெளியிட்டு உள்ளது.

நாசாவும் ரஷ்ய மையமும்

அதன் திட்ட விஞ்ஞானி டாக்டர் டேனி பிரைஸ் கூறுகையில், ''பூமியோடு தொடர்பு கொள்ளும் முயற்சியாக வேற்று கிரகத்தைச் சேர்ந்த உயிரினங்கள் மூன்று விரிவான தகவல்களைப் பூமிக்கு அனுப்பியுள்ளன.

அமெரிக்காவின் நாசா ஆய்வு மையம், ரஷ்ய நாட்டைச் சேர்ந்த விண்வெளி ஆய்வு மையம் ஆகிய இரண்டு அமைப்புகளும் வேற்று கிரக உயிரினங்கள் அனுப்பிய தகவல்களை பெற்றுள்ளன.

விண்மீனிலிருந்து தகவல்?

கிடைத்த தகவல்கள் குறித்து விண்வெளி ஆய்வாளர்கள் ஆய்வு செய்து வருவகின்றனர். ஆனால், அந்த தகவல்கள் குறித்து அவர்களால் தெளிவான முடிவுக்கு வர முடியவில்லை. மேலும், பூமியை விட்டு மிகத் தொலைவில் உள்ள விண்மீன் ஒன்றிலிருந்து கிடைத்துள்ள சமிக்கைகள் குறித்து ஆய்வு நடைபெற்று வருகிறது,'' என்றார்.

வேற்றுகிரக வாசிகள் குறித்த இந்த ஆய்வுகள் இதுவரை ஒரு திட்டவட்டமான முடிவினை எட்டவில்லை என்பது குறிப்பிடத்தக்கது.