ஆண்டு வருமானம் வருமான வரி கணக்கு செலுத்த வேண்டிய வருமான வரித்தொகை

ரூ.13 லட்சம் (4ல - 0%) + (4ல - 8ல - 5%) + (8ல - 12ல - 10%) + (12ல - 13ல - 15%) ரூ. 75,000ரூ.17 லட்சம் (4ல - 0%) + (4ல - 8ல - 5%) + (8ல - 12ல - 10%) + (12ல - 16ல - 15%) + (16ல - 17ல - 20%) ரூ. 1,40,000ரூ.21 லட்சம் (4ல - 0%) + (4ல - 8ல - 5%) + (8ல - 12ல - 10%) + (12ல - 16ல - 15%) + (16ல - 20ல - 20%) + (20ல - 21ல - 25%) ரூ. 2,25,000ரூ.25 லட்சம் (4ல - 0%) + (4ல - 8ல - 5%) + (8ல - 12ல - 10%) + (12ல - 16ல - 15%) + (16ல - 20ல - 20%) + (20ல - 24ல - 25%)+ (24ல - 25ல - 30%) ரூ. 3,30,000சம்பளப் பிரிவினருக்கு 75,000 ரூபாய் நிலையான கழிவு வழங்கப்படுவதால், ஆண்டு வருமானம் 12.75 லட்சம் ரூபாய் வரை பெறும் ஊழியர்கள் வருமான வரி செலுத்த தேவையில்லை. களையிழந்த பழைய முறைவருமான வரி செலுத்துவதில் 'நியூ ரிஜிம்' எனப்படும் புதிய முறை 2020ல் அறிமுகம் செய்யப்பட்டது. எனினும், பழைய முறையை தொடர விரும்புவோருக்கும் வாய்ப்பு அளிக்கப்பட்டு வருகிறது. பழைய முறையில், 80சி உட்பட பல்வேறு பிரிவுகளில் வரி விலக்குகள் அனுமதிக்கப்படுகின்றன. குறிப்பாக, கல்வி கட்டணம், ஆயுள் காப்பீடு, வீட்டு வாடகைப்படி, விடுமுறை பயணப்படி, பங்கு சார்ந்த மியூச்சுவல் பண்டு முதலீடு, பி.பி.எப்., முதலீடு, வீட்டுக்கடன் அசல் தொகை என இத்தனையும் சேர்த்து அதிகபட்சமாக 1.50 லட்சம் ரூபாய் கழித்துக்கொள்ள அனுமதிக்கப்படுகிறது. மருத்துவ காப்பீடு பிரிமியம், புதிய ஓய்வூதிய திட்ட சந்தா, வீட்டுக்கடன் வட்டி என மேலும் வரி விலக்கு பெறலாம். பழைய முறையில் 5 லட்சம் ரூபாய் வரை வரி செலுத்த வேண்டியதில்லை என்ற நிலையில், அதற்கு மேல் ஆண்டு வருமானம் இருந்தால், 2.50 லட்சத்தில் இருந்தே பல அடுக்குகளில் வரி செலுத்த வேண்டும்.புதிய முறையில் சேமிப்பு, முதலீடு, செலவு என எதற்கும் வரி விலக்குகள் கிடையாது. மாறாக, 12 லட்சம் ரூபாய் வரை வருமான வரி விலக்கு அறிவிக்கப்பட்டுள்ளது. அதற்கு பிறகு வரி செலுத்த வேண்டிய அடுக்குகளும் பழைய முறையுடன் ஒப்பிடுகையில் குறைவாக நிர்ணயிக்கப்பட்டுள்ளது. மேலும், பழைய முறையைப் போல, பல்வேறு ஆவணங்களை சமர்ப்பிக்கவோ, பாதுகாக்கவோ தேவையில்லாததால், புதிய முறையில் வரி தாக்கல் மிக எளிமையாக உள்ளது. மேலும், வரி விலக்குகளை பெற்ற பிறகும் பழைய முறையில் செலுத்த வேண்டிய வரியை விட, வரி விலக்குகளே இல்லாமல் புதிய முறையில் செலுத்த வேண்டிய வரித்தொகை குறைவாக இருக்குமாறு நிர்ணயிக்கப்பட்டுள்ளது. இதனால், வரி செலுத்துவோரிடம் புதிய முறை பெரும் வரவேற்பை பெற்றுள்ளது. பழைய முறையை ஒரு தேர்வாக அரசு தொடர்ந்தாலும், அதற்கு எந்த புதிய சலுகையையும் 2020 முதலே அரசு அறிவிப்பதில்லை. இதனால், புதிய வரி முறைக்கு முற்றிலும் வரி செலுத்துவோர் மாறுவர் என அது எதிர்பார்க்கிறது. பாக்ஸ்பழைய முறையில் வரி (ரூபாய்)0 - 2.50 லட்சம் 0%2.50 - 5 லட்சம் 5%5 - 10 லட்சம் 20%10 லட்சத்துக்கு மேல் 30%