90 இடங்கள் கொண்ட காஷ்மீர் சட்டசபைக்கு நடந்த தேர்தலில், கூட்டணி அமைத்து போட்டியிட்ட தேசிய மாநாட்டு கட்சி 42 இடங்களிலும், காங்கிரஸ் 6 இடங்களிலும் வெற்றி பெற்றது.

தேசிய மாநாட்டு கட்சியின் எம்.எல்.ஏ.,க்கள் கூட்டத்தில், குழு தலைவராக உமர் அப்துல்லா தேர்வு செய்யப்பட்டார். அவருக்கு சுயேச்சை எம்.எல்.ஏ.,க்கள் 4 பேர் ஆதரவு கொடுத்து உள்ளனர். இதனால் அக்கட்சியின் பலம் 46 ஆக அதிகரித்து உள்ளது.

கடந்த 11-ம்தேதி துணை நிலை கவர்னர் மனோஜ் சின்ஹாவை சந்தித்த உமர் அப்துல்லா. தனது கட்சி எம்.எல்.ஏ.க்கள் ஆதரவு கடிதம் வழங்கி ஆட்சி அமைக்க உரிமை கோரினார். ஆட்சி அமைக்க அழைப்பு விடுத்ததையடுத்து முதல்வராக உமர் அப்துல்லா, மற்றும் சில அமைச்சர்கள் இன்று (அக்.16ம் தேதி) காலை 11:30 மணியளவில் பதவியேற்கிறார். அவர்களுக்கு துணை நிலை கவர்னர் பதவி பிரமாணம் செய்து வைக்கிறார்.

*************