தேர்தலில் எந்த வேட்பாளருக்கும் ஓட்டுப் போட விரும்பாத வாக்காளர்கள் நோட்டாவுக்கு ஓட்டளிக்க வாய்ப்பு வழங்கப்பட்டு உள்ளது. நோட்டாவிற்கு அதிக ஓட்டு கிடைத்தாலும் அது தேர்தல் முடிவில் எந்த மாற்றத்தையும் ஏற்படுத்தாது.

இந்நிலையில், ஒரு தொகுதியில் வேட்பாளர்களை விட நோட்டாவிற்கு அதிக ஓட்டுகள் கிடைத்தால், எந்த வேட்பாளரும் வெற்றி பெறவில்லை என அறிவிக்க வேண்டும் எனக்கூறி உச்சநீதிமன்றத்தில் பொது நல வழக்கு தொடரப்பட்டது.

இந்த வழக்கு தலைமை நீதிபதி சந்திரசூட் தலைமையிலான அமர்வு முன்பு விசாரணைக்கு வந்தது. அப்போது சந்திரசூட் கூறியதாவது: இந்த மனுவை விசாரிப்போம். நோட்டீஸ் அனுப்புவோம். இதுவும் தேர்தல் நடைமுறை தொடர்புடையது தான் எனக்கூறியதுடன் நோட்டா தொடர்பான விதிமுறைகளை ஆய்வு செய்ய உத்தரவிட்டு உள்ளார்.