நகர்ப்புறங்களில் வீடில்லாதவர்களுக்கு முகாம்கள் அமைப்பது தொடர்பான தொடரப்பட்ட பொது நல வழக்கை சுப்ரீம் கோர்ட் நீதிபதிகள் பிஆர் கவாய் மற்றும் ஆகஸ்டின் ஜார்ஜ் மசியா அமர்வு விசாரித்தது.

அப்போது, மத்திய அரசின் அட்டர்னி ஜெனரல் வெங்கடரமணி கூறியதாவது: நகர்ப்புற வீடற்றவர்களுக்கு தங்குமிடம் உள்ளிட்ட முக்கிய பிரச்னைகளை நிவர்த்தி செய்வதை நோக்கமாக கொண்ட நகர்ப்புற வறுமை ஒழிப்பு திட்டத்தை இறுதி செய்யும் பணியில் அரசு ஈடுபட்டு உள்ளது என்றார்.

இதனைத் தொடர்ந்து நீதிபதிகள், இந்த திட்டம் எப்போது அமல்படுத்தப்படும் என்பது குறித்து அறிக்கை தாக்கல் செய்யும்படி என உத்தரவிட்டனர். மேலும், அவர்கள், ' துரதிர்ஷ்டவசமாக, இலவச திட்டங்களினால் மக்கள் வேலை செய்ய விரும்புவது கிடையாது. அவர்களுக்கு ரேசன் பொருட்கள் இலவசமாகவே கிடைக்கிறது. எந்த வேலையும் செய்யாமல், பணமும் கிடைக்கிறது. அவர்கள் மீதான உங்களின் அக்கறையை நாங்கள் பாராட்டுகிறோம். ஆனால், அவர்கள் சமூகத்தின் முக்கிய நீரோட்டத்தில் இணைந்து, நாட்டின் வளர்ச்சிக்கு பங்களிக்க அனுமதிப்பது நல்லது அல்லவா' எனக்கூறினர்.