இந்நிலையில், டில்லியில் நேற்று, காங்., தேசிய தலைவர் மல்லிகார்ஜுன கார்கே, அக்கட்சியின் எம்.பி.,யும், லோக்சபா எதிர்க்கட்சி தலைவருமான ராகுல் உள்ளிட்டோரை, ராஷ்ட்ரீய ஜனதா தள தலைவரும், பீஹார் முன்னாள் துணை முதல்வருமான தேஜஸ்வி யாதவ் சந்தித்து பேசினார்.

அப்போது, பீஹார் சட்டசபை தேர்தல் ஏற்பாடுகள், தொகுதி பங்கீடு, பிரசார திட்டங்கள் உள்ளிட்ட விவகாரங்கள் குறித்து விவாதிக்கப்பட்டது.

தேஜஸ்வி யாதவ் கூறுகையில், ''பீஹார் தேர்தலில், 'இண்டி' கூட்டணி நிச்சயம் வெல்லும். முதல்வர் வேட்பாளர் குறித்து, ஊடகங்கள் கவலைப்பட வேண்டாம். முதல்வர் குறித்து பேசி முடிவு எடுப்போம்,'' என்றார்.