ஆளுங்கட்சியான மார்க்சிஸ்ட் கம்யூனிஸ்ட்டைச் சேர்ந்த நடிகர் முகேஷ், கொல்லம் தொகுதி எம்.எல்.ஏ.,வாக உள்ளார். இவர் மீது, 2010ல், நடிகை ஒருவர் பாலியல் புகார் அளித்தார்.

இது தொடர்பாக வடக்கஞ்சேரி மற்றும் மரடு போலீஸ் ஸ்டேஷன்களில் வழக்குப் பதிவு செய்யப்பட்டது. இந்த இரு வழக்குகளிலும், கடந்த செப்., 24ல், கூடுதல் செஷன்ஸ் நீதிமன்றம் எம்.எல்.ஏ., முகேஷுக்கு முன்ஜாமின் அளித்தது.

இந்நிலையில், நடிகை அளித்த பலாத்கார புகாரில், ஆளுங்கட்சி எம்.எல்.ஏ.,வான முகேஷை, சிறப்பு விசாரணை குழுவினர் நேற்று முன்தினம் முறைப்படி கைது செய்தனர். நீதிமன்றத்தில் முன்ஜாமின் பெற்றுள்ளதால், சிறிது நேரத்துக்கு பின், அவர் விடுவிக்கப்பட்டார்.