புதுடில்லியில் இந்திய கடல்சார் பாரம்பரிய இரண்டு நாள் மாநாடு நேற்று வெற்றிகரமாக முடிவடைந்தது. நிறைவு நாளான மாநாட்டில் பங்கேற்று மத்திய துறைமுகங்கள், கப்பல் போக்குவரத்து மற்றும் நீர்வழிகள் துறை அமைச்சர் சர்பானந்தா சோனோவால் பேசியதாவது:

இந்தியா கடல்சார் வரலாற்றின் வளமான பாரம்பரியத்தைக் கொண்டுள்ளது. ஆனால், துரதிர்ஷ்டவசமாக, பல தசாப்தங்களாக, அது புறக்கணிக்கப்பட்டு வந்தது.

இந்திய கடல்சார் பாரம்பரியத்தின் முதல் மாநாட்டை வெற்றிகரமாக நடத்தியதன் மூலம், இந்தியாவின் கடல்சார் பாரம்பரியத்தில் கல்விக் கவனத்தை மீட்டெடுக்க பிரதமர் நரேந்திர மோடி தலைமையிலான அரசு தீவிர முயற்சியில் ஈடுபட்டுள்ளது.

இந்த மாநாட்டில் 11 நாடுகளைச் சேர்ந்த உலகளாவிய நிபுணர்கள் மற்றும் கல்வியாளர்கள் கலந்துகொண்டு, உலகின் கடல்சார் துறையில் உள்ள சமகால சவால்களுக்கு நிலையான தீர்வுகளை கண்டறிய முயற்சிக்கின்றனர்.

இந்த அமர்வுகள் வரலாற்றுக்கு முந்தைய மணிகள் தயாரித்தல் மற்றும் கப்பல் கட்டும் நுட்பங்களை எடுத்துரைத்தன.

நம் நாட்டின் 5000 ஆண்டுகளுக்கும் பழமையான வரலாற்றை ஆராயும் முயற்சியில் பங்கேற்க, இந்த மாநாட்டில் பங்கேற்றுள்ள வரலாற்றாசிரியர்களும் கடல்சார் நிபுணர்களும் ஆர்வமாக உள்ளனர்.

கிரீஸ், இத்தாலி, இங்கிலாந்து உள்ளிட்ட முக்கிய கடல்சார் நாடுகள், இந்தியாவின் வளமான கடல்சார் பாரம்பரியத்தைக் கொண்டாட கைகோர்த்துள்ளன. இது, இந்த ஆராய்ச்சியின் உலகளாவிய முக்கியத்துவத்தை உணர்த்துகிறது.

சிந்து சமவெளி நாகரிகத்திற்கு முந்தைய வரலாற்று உறவுகளுடன், பாரதத்தின் தனித்துவமான கடற்படை பாரம்பரியத்தை உலகம் எவ்வாறு மீண்டும் கண்டுபிடித்து வருகிறது என்பதை இந்த ஒத்துழைப்பு எடுத்துக்காட்டுகிறது.

குஜராத் மாநிலம், லோதலில் அமையவிருக்கும் தேசிய கடல்சார் பாரம்பரிய வளாகம், கடல்சார் பாரம்பரியத்தை நிறுவுவதன்- முயற்சியில் ஒரு மைல்கல்லாக இருக்கும்.

சிந்து சமவெளி நாகரிக தளம் மற்றும் உலகின் முதல் கப்பல்துறையின் தாயகமான லோதலில் வரவிருக்கும் தேசிய கடல்சார் பாரம்பரிய வளாகம் இந்த மரபுக்கு ஒரு சான்றாக நிற்கும். கடலில் பயணம் செய்து உலகை இணைத்த உலகின் முதன்மையானவர்களில் ஒருவராக நமது வளமான பாரம்பரியம், நமது வளமான வரலாறு ஆகியவற்றில் பெருமை கொள்கிறார்கள்.

இன்று, நமது கப்பல் துறை வேகமாக வளர்ந்து வருவதால், இந்தியா ஒரு முன்னணி கடல் மற்றும் கப்பல் கட்டும் சக்தியாக மாற விரும்புகிறது. இந்தியா தலைமையிலான ஒரு நிலையான உலகளாவிய கப்பல் துறையை உருவாக்க நம் பண்டைய தொழில்நுட்பங்கள் எங்களுக்கு வழிகாட்டும்.

இவ்வாறு அவர் பேசினார்.