பஹல்காமின் பைசரனில் அழகிய காட்சிகளை ரசித்துக் கொண்டிருந்த சுற்றுலாப் பயணிகள் மீது பயங்கரவாதிகள் துப்பாக்கிச் சூடு நடத்தியதில், 26 பேர் கொல்லப்பட்டனர். இந்த இடத்தை பயங்கரவாத தாக்குதல் நடத்த பயங்கரவாதிகள் தேர்வு செய்தது காரணம் என்ன என்பது குறித்து விபரம் பின்வருமாறு:

* பசுமை சூழலை பராமரிப்பதால் அங்கு 5 கி.மீ.,க்கு வண்டிகள் செல்ல அனுமதியில்லை. நடந்தோ அல்லது குதிரை மூலமாகவோ தான் அங்கு செல்ல முடியும்.

* தாக்குதல் நடத்தப்பட்டால் எதிர்த்தாக்குதல் நடத்த தாமதம் ஏற்படும். அந்த பள்ளத்தாக்கில் எளிதாக ஊடுருவி தாக்குதல் நடத்திவிட்டு தப்பிக்க முடியும்.

* கரடுமுரடான நிலப்பரப்பு, மலையேற்றத்தின் பெரும் பகுதியில் வாகனம் ஓட்ட முடியாது

சில பகுதிகள் மிகவும் வழுக்கும் தன்மை கொண்டவை.

* பைசரனில் கடைகள் நடத்தும் உள்ளூர்வாசிகள் கடும் சிரமம் அடைந்து வருகின்றனர். பாதுகாப்புப் படையினர் பிரபலமான பைசரன் மலைப்பகுதியை அடைய குறைந்தபட்சம் 30-40 நிமிடங்கள் ஆகும்.

* சிரமங்கள் இருந்தபோதிலும், 30 ஏக்கர் பரப்பளவில் பரந்து விரிந்துள்ள பைசரனுக்கு தினமும் நூற்றுக்கணக்கான சுற்றுலாப் பயணிகள் வருகை தருகின்றனர்.

* பயங்கரவாதிகள் அடர்ந்த காடுகள் நிறைந்த பகுதிகளில் மறைவிடங்களை அமைத்து, பதுங்கி இருந்து சுற்றுலா பயணிகள் மீது கொடிய தாக்குதல்களை நடத்தி உள்ளனர்.