தற்போது 51 வயதாகும் சச்சின் 664 சர்வதேச போட்டிகளில் விளையாடி உள்ளார்.அதில் 200 டெஸ்ட் மற்றும் 463 ஒரு நாள் போட்டிகள் அடக்கம். டெஸ்ட் கிரிக்கெட்டில் 15,921 ரன்கள், ஒரு நாள் போட்டியில் 18,426 ரன்கள் குவித்து என பல்வேறு சாதனைகளை அவர் படைத்து உள்ளார். இதற்காக அவர் பல்வேறு விருதுகளை பெற்றுள்ளார். கடந்த சனிக்கிழமை நடந்த நிகழ்ச்சி ஒன்றில் பி.சி.சி.ஐ.,யின் வாழ்நாள் சாதனையாளர் விருதை பெற்றார்.

இந்நிலையில், இன்று அவர் ஜனாதிபதி மாளிகை சென்றார். அங்கு ஜனாதிபதி திரவுபதி முர்முவை சந்தித்த சச்சின் டெண்டுல்கர் அவருடன் கலந்துரையாடினார். தொடர்ந்து டெஸ்ட் கிரிக்கெட்டில் தான் அணிந்து விளையாடிய ஜெர்சியில் கையெழுத்து போட்டு, அதனை பரிசாக முர்முவிடம் அளித்தார். அப்போது, சச்சின் குடும்பத்தினர் உடன் இருந்தனர்.