அடுத்த ஆண்டு மார்ச் இறுதிக்குள், நக்சல்கள் இல்லாத தேசமாக நாட்டை உருவாக்க மத்திய அரசு உறுதி பூண்டுள்ளது' என, பிரதமர் நரேந்திர மோடியும், மத்திய உள்துறை அமைச்சர் அமித் ஷாவும் அறிவித்ததை அடுத்து, மாவோயிஸ்டுகள் மற்றும் நக்சல்களுக்கு எதிரான வேட்டை தீவிரம் அடைந்துள்ளது. இதனால் நக்சலைட்டுகள் ஆயுதங்களை பாதுகாப்பு படையினர் மற்றும் போலீசாரிடம் ஒப்படைத்துவிட்டு சரணடைந்து வருகின்றனர்.

அந்தவகையில், மஹாராஷ்டிரா மாநிலத்தில் உள்ள நாக்பூரில் நக்சலைட்டுகள் 11 பேர் ஆயுதங்களை போலீசாரிடம் ஒப்படைத்துவிட்டு சரணடைந்தனர். தேடப்பட்டு வந்த இந்த நக்சலைட்டுகள் குறித்து தகவல் அளிப்பவர்களுக்கு, ரூ 89 லட்சம் பரிசு தொகை அறிவிக்கப்பட்டு இருந்தது.