தமிழகத்தின் ஈரோடு சிருங்கேரி மட பொறுப்பாளர் பத்மநாப அய்யர் மற்றும் திருமலை திருப்பதி தேவஸ்தான வேத விற்பன்னர்கள், கும்பாபிஷேக பூஜைகளை நடத்துகின்றனர்.

வரும் 6ம் தேதி புதன் கிழமை காலை 5:30 மணிக்கு முதல் கால பூஜை, கணபதி ஹோமம், கலச ஹோமம், சுதர்சன ஹோமம் மற்றும் தீபாராதனை நடக்கிறது. மறுநாள் 7ம் தேதி சிறப்பு ஹோமங்கள், பூஜைகள் நடக்கின்றன.

வரும் 8ம் தேதி வெள்ளிக் கிழமை காலை 9:00 மணி முதல் 10:25 மணிக்குள்ளாக, ஐந்தாம் கால பூஜையும், விமான கோபுர கலசங்களுக்கு புனித நீர் ஊற்றி கும்பாபிஷேகமும் நடக்கிறது. தொடர்ந்து, மஹா தீபாராதனை நடக்கிறது.

பகல் 11:00 மணிக்கு ரெட்டி கல்யாண மண்டபத்தில் அன்னதானமும், மாலை 7:00 மணிக்கு பூக்கள், மின் விளக்கு அலங்காரத்துடன், அலங்கரிக்கப்பட்ட தேரில் அம்மன் பவனியும் நடக்கிறது.

விழா ஏற்பாடுகளை சக்தி முத்துமாரியம்மன் கோவில் கமிட்டியினர் செய்துள்ளனர்.