மத்திய இணை அமைச்சர் சுரேஷ் கோபி மற்றும் அனுபமா பரமேஸ்வரன் நடிப்பில், பிரவின் நாராயணன் இயக்கத்தில் வெளியாகும் படத்துக்கு ஜானகி வெர்சஸ் ஸ்டேட் ஆப் கேரளா என பெயரிடப்பட்டுஇருந்தது. இது கடவுள் சீதையின் மறு பெயர் என்பதால் படத்துக்கு ஒப்புதல் அளிக்க மத்திய திரைப்பட தணிக்கை வாரியம் மறுப்பு தெரிவித்தது.

இதை எதிர்த்து அந்த படத் தயாரிப்பு நிறுவனம், கேரள உயர் நீதிமன்றத்தில் வழக்கு தொடர்ந்தது. வழக்கை விசாரித்த நீதிபதி தலைப்பை மாற்ற கோரினார். ஆனால், பட வெளியீட்டுக்கு குறைவான நாட்கள் இருப்பதால் மாற்ற முடியாது என தயாரிப்பு நிறுவனம் தெரிவித்தது.

இந்நிலையில் நீதிமன்ற உத்தரவின்படி ஜே.எஸ்.கே., - ஜானகி வி வெர்சஸ் ஸ்டேட் ஆப் கேரளா என படத்தலைப்பு மாற்றப்பட்டது. மேலும் ஜானகி என்ற வார்த்தை வரும் இடங்களில் சத்தம் இல்லாதபடி, 'மியூட்' செய்யவும் உத்தரவிடப்பட்டது.

இதன்படி தலைப்பு மாற்றம் உள்ளிட்ட திருத்தம் செய்யப்பட்டதை அடுத்து இந்த திரைப்படத்துக்கு ஜூலை 11ல் தணிக்கை வாரியம் ஒப்புதல் அளித்தது.

இதையடுத்து வழக்கு முடித்து வைக்கப்பட்டது. நாளைய தினம் இத்திரைப்படம் வெளியாகும் என மத்திய அமைச்சரும், படத்தின் நாயகனுமான சுரேஷ் கோபி தெரிவித்தார்.