தலைநகர் ஹைதராபாதில் உள்ள கவர்னர் மாளிகையில் நேற்று நடந்த பதவியேற்பு விழாவில், காங்., - எம்.எல்.ஏ.,க்கள் விவேக் வெங்கட சுவாமி, அட்லுாரி லட்சுமண குமார், வகிதி ஸ்ரீஹரி ஆகியோர் அமைச்சர்களாக பதவியேற்றனர்.

அவர்களுக்கு, கவர்னர் ஜிஷ்ணு தேவ் வர்மா பதவிப் பிரமாணம் செய்து வைத்தார். இந்த விழாவில், முதல்வர் ரேவந்த் ரெட்டி உட்பட அமைச்சர்கள் பங்கேற்றனர்.

தெலுங்கானா அமைச்சரவையின் முழு பலம் 18. தற்போது மூன்று புதிய அமைச்சர்கள் பதவியேற்றதை அடுத்து, 15 ஆக அதிகரித்துள்ளது.