ஜார்க்கண்ட் மாநிலத்திற்கு மூன்று நாள் பயணமாக வந்துள்ள தலைமைத் தேர்தல் ஆணையர் ஞானேஷ் குமார், இன்று ராஞ்சியில் செய்தியாளர்களை சந்தித்தார்.

அப்போது அவர் கூறியதாவது:

வாக்களிப்பது ஒவ்வொரு குடிமகனின் கடமை மட்டுமல்ல, நாட்டிற்கு சேவை செய்வதற்கான முதல் மற்றும் மிக முக்கியமான படி,

தேர்தல் நடைபெறும் போதெல்லாம் தகுதியுள்ள குடிமக்கள் தங்கள் வாக்குரிமையைப் பயன்படுத்த வேண்டும்.

தேசத்திற்கு சேவை செய்வதற்கான முதல் படி வாக்களிப்பது. வாக்களிக்க, வாக்காளர் பட்டியலில் சேருவதன் மூலம் வாக்காளராகப் பதிவு செய்ய வேண்டும். 18 வயது நிரம்பிய எந்தவொரு தகுதியுள்ள இந்திய குடிமகனும் விடுபடக்கூடாது.

தேர்தல் ஆணையம் எப்போதும் வாக்காளர்களுக்கு ஆதரவாக இருந்து வருகிறது, தொடர்ந்து அதைச் செய்யும்.

இவ்வாறு அவர் கூறினார்.