கோவாவில் விண்வெளி வீரர் சுபான்ஷூ சுக்லா கூறியதாவது: ஒரு குழந்தையாக இருந்து பள்ளிக்குச் செல்லும்போது, எங்களது வீடும், பெற்றோரும் அடையாளமாக மாறுகின்றனர்.நாங்கள் கல்லூரிக்குச் செல்லும்போது, ​​கல்லூரி எங்கள் அடையாளமாகிறது. நீங்கள் நகரத்தை விட்டு வேறொரு இடத்திற்குச் செல்லும்போது, ​​அந்த நகரம் உங்கள் அடையாளமாகிறது. நீங்கள் வெளிநாடு செல்லும்போது, ​​உங்கள் நாடு உங்கள் அடையாளமாகிறது.

ஒருவர் கிரகத்தை விட்டு விண்வெளியில் இருக்கும்போது, ​​பூமி அவர்களின் அடையாளமாக மாறுகிறது. மனிதநேயம் முன்னுரிமை பெறுவதால், விண்வெளியில் தேசியம் ஒரு பொருட்டல்ல. நான் அமெரிக்காவில், விண்வெளிப் பயணத்திற்காக பயிற்சி பெற்றபோது, ​​எனது நாடு எனது அடையாளமாக இருந்தது.

பூமியை மேலிருந்து பார்க்கும்போது, ​​ அது நமது கண்ணோட்டத்தை மாற்றிவிடும். இந்தியாவை முதன்முறையாக விண்வெளியில் இருந்து பார்த்த போது, ​​அது தனக்கு மிகவும் உணர்ச்சிவசப்பட்ட தருணம்.

விண்வெளித் திட்டங்கள் சிறிய கனவுகள் அல்ல, ஆனால் இந்தியா மேற்கொள்ளவிருக்கும் மிகவும் சிக்கலான பயணங்கள். இதுபோன்ற சிக்கலான பணிகளை அடைய நாங்கள் முயற்சிக்கிறோம். மேலும் இதுபோன்ற பணிகளைச் சிறப்பாக செய்ய பணியாற்றி வருகிறோம்.

2047ம் ஆண்டுக்குள் வளர்ச்சி அடைந்த இந்தியா என்ற கனவை அடைய விண்வெளி ஒரு முக்கியமான துறையாக இருக்கும். விண்வெளி நிலையத்திற்கு பயணம் மிகவும் கவர்ச்சி கரமானதாக இருந்தது. இது மிகவும் வித்தியாசமான அனுபவம். தொழில்நுட்ப தகவல் மற்றும் அறிவியல் அடிப்படையில் தனது விண்வெளிப் பயணம் ஒரு சிறந்த கற்றல் அனுபவமாக இருந்தது. இவ்வாறு சுபான்ஷு சுக்லா கூறினார்.