தலைநகர் டில்லியில் ஆட்சிப் பொறுப்பை ஒப்படைக்க, நேற்று நடந்த சட்டசபைத் தேர்தலில், டில்லி மக்கள் ஆர்வமுடன் ஓட்டுப்போட்டனர். காலை 7:00 மணிக்கு ஓட்டுப் பதிவு துவங்கியதில் இருந்தே பெண்கள், முதியோர் மற்றும் முதன்முறையாக ஓட்டுப் போடும் இளம்பெண்கள் ஆர்வமுடன் வந்தனர். இருப்பினும் காலை 9:00 மணி வரை 8 சதவீத ஓட்டுக்களே பதிவாகி இருந்தன. அதன்பின், வாக்காளர்கள் சரசரவென ஓட்டுச்சாவடிகளில் குவிந்தனர். நீண்ட வரிசையில் காத்திருந்து ஓட்டுக்களைப் பதிவு செய்தனர். மாலை 5:00 மணிக்கு 57 சதவீதமாக உயர்ந்தது.