தினமலர்
சினிமா
டிவி
Podcast
iPaper
கோயில்கள்
புத்தகங்கள்
Subscription
திருக்குறள்
கடல் தாமரை
Dinamalar Logo

 

/செய்திகள்/இந்தியா/'சுற்றுலா செல்லும் இடத்தை யாராலும் கணிக்கவே முடியாது!'

'சுற்றுலா செல்லும் இடத்தை யாராலும் கணிக்கவே முடியாது!'

'சுற்றுலா செல்லும் இடத்தை யாராலும் கணிக்கவே முடியாது!'


UPDATED : செப் 12, 2026 06:35 PM

ADDED : செப் 12, 2026 05:02 PM

Follow on GoogleFavourite on Google

UPDATED : செப் 12, 2026 06:35 PM ADDED : செப் 12, 2026 05:02 PM


Follow on Google
அ நிறம் | அளவு

அறிமுகம் இல்லாதவர்களை குழுவாக இணைத்து, சுற்றுலா அழைத்து செல்லும், 'ஸ்ட்ரேஞ்சர்ஸ் உலா' நிறுவனத்தைச் சேர்ந்த, 25 வயதான தினிஷா மற்றும் 29 வயதான ரேவதி.

* தினிஷா: எங்கள் குழுவில் இருப்பவர்களில், 10க்கும் மேற்பட்டோர் பல ஆண்டுகளுக்கும் மேலாக சுற்றுலா பயணியர் தான். எங்கள் அனைவரையும் இணைக்கும் விஷயம், பயணம். நான்கு ஆண்டுகளாக நாங்கள் சுற்றுலா செல்லும்போது, எங்கள் நண்பர்களின் நண்பர்களையும் உடன் அழைத்து செல்வோம்.

ஆனால், எங்கு செல்கிறோம் என்று கூற மாட்டோம்; எந்த இடத்துக்கு செல்கிறோம் என்று தெரியாமல், அந்த இடத்தை நேரில் பார்க்கும்போது, அவர்கள் கண்ணில் தெரியும் வியப்பையும், மகிழ்ச்சியையும் பார்ப்பது எங்களுக்கு பிடித்திருந்தது. அதன்பின் தான், இதையே ஒரு நிறுவனமாக துவக்கினோம்.

நாங்கள் அழைத்து செல்லும் அனைத்து இடங்களுமே ரகசிய சுற்றுலாக்கள் தான். எங்கு செல்கிறோம், என்னென்ன விஷயங்கள் சுற்றுலாவில் இருக்கும் என்று அவர்களிடம் சொல்ல மாட்டோம். அதனால், இயல்பாகவே எதிர்பார்ப்பும், ஆர்வமும் உருவாகி விடும்.

இணையதளம் வாயிலாகவோ அல்லது பயணம் செய்யும் வழிகள் மூலமாகவோ கண்டுபிடிக்க முயற்சி செய்தாலும், நாங்கள் அழைத்து செல்லும் இடத்தை அவர்களால் கணிக்க முடியாது; அந்த அளவுக்கு கஷ்டப்பட்டு இடங்களை தேர்வு செய்கிறோம்.

* ரேவதி: எங்களுடன் வருவோருக்கு, 'நாம் பணம் கட்டியிருக்கிறோம். இவர்கள் நம்மை அழைத்து செல்வரா, இல்லையா? ரகசிய இடம் என்று சொல்லி, ஏற்கனவே சென்ற இடத்திற்கே அழைத்து செல்வரோ' என்ற சந்தேகம் இருக்கும். பயணிப்போருக்குள் நட்பை உருவாக்குவதற்கு, 'ஆக்டிவிட்டி கேம்ஸ்' எனும் சில செயல்பாட்டு விளையாட்டுகளை விளையாடுவோம்.

அந்த சமயத்தில், அனைவரும் சேர்ந்து மகிழ்ச்சியாக செல்வோம் என்ற மனநிலைக்கு அவர்கள் வந்து விடுவர். அதன்பின், எங்கள் திட்டத்தில் இருக்கும் இடத்திற்கு அழைத்து செல்லும்போது, அவர்கள் அடையும் ஆச்சரியத்துக்கு அளவே கிடையாது. தமிழகம், கர்நாடகா, கேரள மாநிலங்களில் உள்ள தனித்துவமான, புதிய அனுபவத்தை கொடுக்கும் இடங்களுக்கு அழைத்து செல்கிறோம்.

ஒவ்வொரு பயணத்திலும், 40 பேர் வரை அழைத்து செல்கிறோம். எங்களுடன் வரும்போது மது அருந்த அனுமதி கிடையாது. தம்பதியாக வந்தாலும் ஆண், பெண் தனியாகத் தான் தங்க வேண்டும். ஒவ்வொரு பயணத்திலும், எங்கள் குழுவைச் சேர்ந்த மூன்று பெண் நிர்வாகிகள் இருப்பர்.

அதேபோல் ரகசிய நிர்வாகி ஒருவர், எங்கள் குழுவில் பயணி போலவே உடன் இருப்பார். பெண்களுக்கு ஏதேனும் பிரச்னை வருகிறதா, பயணியர் மது அருந்துகின்றனரா என்பதை கண்காணிக்கவே அவர் இருப்பார்.

தொடர்புக்கு: வாட்ஸாப் மட்டும்: 63795 02425.

***

தினமலர் WhatsApp Channel-ல் சேருங்கள்
Latest Tamil news, instantly on WhatsApp
Follow





      Dinamalar
      Follow us