உலக பணக்காரர்கள் பட்டியலில் எலான் மஸ்க் முதலிடத்தில் இருந்து வந்தார். கடந்த 2022ம் ஆண்டு டிசம்பர் மாதம், பிரான்சை சேர்ந்த பெர்னார்ட் அர்னால்ட், எலான் மஸ்கை முந்தி பணக்காரர்கள் பட்டியலில் முதலிடம் பிடித்தார்.

எலான் மஸ்க் 2வது இடத்தில் இருந்து வந்தார். இதையடுத்து டெஸ்டாவின் பங்குகள் பல மடங்கு உயர்ந்ததால் மீண்டும் முதல் இடத்திற்கு வந்தார். பின்னர் ட்விட்டர் நிறுவனத்தை விலைக்கு வாங்கினார். தற்போது எக்ஸ் சமூகவலைத்தளம் என பெயர் மாற்றம் செய்யப்பட்டுள்ளது.

இந்நிலையில், தற்போது பணக்காரர்களில் பட்டியலில் முதல் இடத்தில் பிரெஞ்ச் தொழில் அதிபர் பெர்னார்ட் அர்னால்ட் உள்ளார். எலான் மஸ்கின் கார் நிறுவனமான டெஸ்லாவின் பங்கு தொடர்ந்து சரிவை கண்டு வருகிறது. அதேநேரத்தில் பெர்னார்ட் அர்னால்டின் ஆடம்பர பொருட்கள் தயாரிக்கும் நிறுவனத்தின் (LVMH) பங்குகள் தொடர்ந்து ஏற்றத்தில் இருந்து வருகிறது.

தற்போது, அர்னால்ட் மற்றும் அவரது குடும்பத்தின் சொத்து மதிப்பு 207.8 பில்லியன் டாலராக உயர்ந்துள்ளது. எலான் மஸ்கின் சொத்து மதிப்பு 204.5 பில்லியன் டாலராக உள்ளது. இதனால், எலான் மஸ்கை பின்னுக்கு தள்ளி முதலிடத்திற்கு, ஆடம்பர பொருட்கள் தயாரிக்கும் நிறுவனம் (LVMH) சி.இ.ஓ பெர்னார்ட் அர்னால்ட் முன்னேறினார்.

உலகின் முதல் 10 பணக்காரர்கள் லிஸ்ட்:

பெர்னார்ட் அர்னால்ட் (207.6 பில்லியன் டாலர்)

எலான் மஸ்க் (204.7 பில்லியன் டாலர்)

ஜெஃப் பெசோஸ் (181.3 பில்லியன் டாலர்)

லாரி எலிசன் (142.2 பில்லியன்டாலர்)

மார்க் ஜுக்கர்பெர்க் (139.1 பில்லியன் டாலர்)

வாரன் பஃபெட்(127.2 பில்லியன் டாலர்)

லாரி எலிசன் (127.1 பில்லியன்டாலர்)

பில் கேட்ஸ் (122.9 பில்லியன் டாலர்)

செர்ஜி பிரின் (121.7 பில்லியன்டாலர்)

ஸ்டீவ் பால்மர்(118,8 பில்லியன்டாலர்)

ரிலையன்ஸ் நிறுவனத்தின் தலைவர் முகேஷ் அம்பானி 11ம் இடத்திலும், அதானி குழுமத்தின் தலைவர் கவுதம் அதானி 16ம் இடத்திலும் உள்ளனர். முகேஷ் அம்பானி சொத்து மதிப்பு 104.4 பில்லியன் டாலரும், கவுதம் அதானியின் சொத்து மதிப்பு 75.7 பில்லியன் டாலராக உள்ளது.