மூணாறில் ஆண்டு தோறும் நவம்பரில் குளிர் காலம் துவங்கி விடும் என்றபோதும், இந்தாண்டு 'பெஞ்சல்' புயல், வங்க கடலில் உருவான குறைந்த காற்றழுத்த தாழ்வு மண்டலம் ஆகியவற்றால், குளிர் போக்கு காட்டி வந்தது. காலை வேளையில் குறைந்தபட்ச வெப்பம் 7 டிகிரி செல்சியஸ் வரை குறைந்தது. டிச.22ல் காலையில் குறைந்தபட்ச வெப்பம் 8, நேற்று முன்தினம் 10 டிகிரி செல்சியஸ் பதிவானது.

இந்நிலையில் மூணாறை சுற்றியுள்ள கன்னிமலை, குண்டளை, செண்டுவாரை, தேவிகுளம் உள்பட பல்வேறு எஸ்டேட் பகுதிகளில் நேற்று காலை குறைந்தபட்ச வெப்பம் 2 டிகிரி செல்சியஸ் பதிவாகி உறைபனி ஏற்பட்டது. அதனால் சுற்றுலா பயணிகள் மகிழ்ச்சி அடைந்தனர். உள்ளூர் மக்களின் இயல்பு நிலை பாதிக்கப்பட்டது. கடந்தாண்டு இதே நாளில் காலை வேளையில் வெப்பம் 7 டிகிரியாகவும், 2022ல் 'ஜீரோ' டிகிரியாக குறைந்து உறைபனியும் ஏற்பட்டது குறிப்பிடத்தக்கது.