கடந்த 2009 தேர்தலில், கத்திகவுடரை தோற்கடிக்கும் நோக்கில், ஜே.டி.பாட்டீலை காங்கிரஸ் களமிறங்கியது. ஆனால் அவராலும் வெற்றி பெற முடியவில்லை. 2019ல் மாவட்ட பஞ்சாயத்து முன்னாள் தலைவி வீணா காசப்பனவரை, காங்கிரஸ் வேட்பாளராக்கியது. நரேந்திர மோடி அலை வீசியதால், பா.ஜ., வேட்பாளர் கத்திகவுடர் வெற்றி பெற்றார்.

இம்முறை கத்திகவுடருக்கு, இன்னும் சீட் உறுதியாகவில்லை. பாகல்கோட் தொகுதியை, பா.ஜ.,விடம் இருந்து கைப்பற்ற வேண்டும் என, காங்கிரஸ் உறுதி பூண்டுள்ளது. எனவே வலுவான வேட்பாளரை களமிறக்க திட்டமிட்டுள்ளது. வீணா காசப்பனவர், அஜய்குமார் சரநாயக், ஆனந்த் நாமேகவுடா ஆகியோர் பரிசீலனையில் உள்ளனர்.