சர்வதேச நாணய நிதியத்தின் செயல் இயக்குநராக, இந்தியா சார்பில் கே.வி.சுப்ரமணியம் பொறுப்பு வகித்து வந்தார். இவர், 2022ம் ஆண்டு நவம்பர் மாதம் பொறுப்பேற்றார். பதவிக் காலம் முடிய 6 மாதம் உள்ள நிலையில் பணி நீக்கம் செய்யப்பட்டுள்ளார்.

இந்நிலையில், உலக வங்கியில் தற்போது நிர்வாக இயக்குநராக பணியாற்றும் பரமேஸ்வரன் ஐயர், சர்வதேச நாணய நிதியத்தின் செயல் இயக்குநராக, இந்தியா சார்பில் நியமனம் செய்யப்பட்டுள்ளார்.

பரமேஸ்வரன் ஐயர் யார்?

* 1981 ம் ஆண்டு இந்திய குடிமைப் பணிகளில் தனது பணியைத் தொடங்கிய பரமேஸ்வரன் ஐயர், படிப்படியாக பதவி உயர்வு பெற்றார்.

* 2009ம் ஆண்டு, உலக வங்கியில் மேலாளராக சர்வதேச அளவில் பணியாற்றுவதற்காக அரசுப் பணியிலிருந்து ஓய்வு பெற்றார். அங்கு பணியாற்றிய காலத்தில் இவர் சீனா, வியட்நாம், எகிப்து, லெபனான் மற்றும் வாஷிங்டன் ஆகிய இடங்களில் முக்கிய நீர் மற்றும் சுகாதாரத் திட்டங்களில் பணியாற்றினார்.

* இவர் பொது சுகாதாரம் மற்றும் உள்கட்டமைப்பை மேம்படுத்துவதில் அதிக கவனம் செலுத்தினார்.

* ஒரு அதிகாரியாக இருந்து சர்வதேச மேம்பாட்டு நிபுணராக மாறிய பரமேஸ்வரன் ஐயர் தற்போது ஐ.எம்.எப்., செயல் இயக்குநராக நியமிக்கப்பட்டு உள்ளார்.

* பிரதமர் நரேந்திர மோடியின் முதன்மையான தூய்மை மற்றும் சுகாதாரத் திட்டமான ஸ்வச் பாரத் மிஷனை வழிநடத்த அரசாங்கத்தின் வேண்டுகோளின் பேரில், 2016ம் ஆண்டு பரமேஸ்வரன் ஐயர் இந்தியா திரும்பினார்.

* இவர் நிடி ஆயோக்கின் தலைமை நிர்வாக அதிகாரியாக சிறிது காலம் பணியாற்றினார்.