மஹாராஷ்டிரா மாநிலம் பாரமதியில் நடந்த நிகழ்ச்சி ஒன்றில் 'சரத்பவார் செயற்கை நுண்ணறிவு திறன் மையத்தை' திறந்து வைத்த தொழிலதிபர் சரத்பவார் பேசியதாவது: இந்தியாவின் வலிமை என்பது மக்கள், நிறுவனங்கள் மற்றும் நீண்டகால பார்வையை ஒன்றிணைக்கும் திறனில் உள்ளது. அதே தெளிவுடன் இப்போது இளம் இந்தியர்கள் வழிநடத்த வேண்டும். அவர்களை திறனை உருவாக்குபவர்களாகவும், அதன் நிபுணர்களாகவும் மாற்றும் வகையில் அதனை அணுகச் செய்ய வேண்டும். தொழில்துறை புரட்சிகள் முதல் இந்தியாவின் சொந்த டிஜிட்டல் மாற்றம் வரை ஒவ்வொரு பெரிய தொழில்நுட்ப மாற்றமும் மனித ஆற்றலை விரிவுபடுத்தியுள்ளது.

சாதாரண குடிமக்களின் கைகளில் நேரடியாக நுண்ணறிவு மற்றும் உற்பத்தித்திறனை ஏஐ வழங்கும் . இதன் மூலம் அனைதது தரப்பு இளைஞர்களும் வளர்ச்சி பெறுவதற்கான வழிவகையை ஏற்படுத்தி உள்ளது.ஏஐ தலைமைத்துவத்தை வெளியாட்களுக்கு வழங்கக்கூடாது. இன்றைய உலகில் பொருளாதார சக்தியையும், தேசிய ஆதிக்கத்தையும் உளவுத்துறை மாற்றி வருகிறது. அந்த நேரத்தில் அல்காரிதம்களுக்காக வெளிநாடுகளை சார்ந்து இருப்பது அச்சத்தை ஏற்படுத்தும்.

தரவுகள், முடிவெடுக்கும் திறன் ஆகியவை தேசிய நலனில் நிலைநிறுத்தப்பட வேண்டும். உள்நாட்டு ஏஐ மாதிரிகள், வலுவான கணினி திறன் மற்றும் மீள்தன்மை கொண்ட நுண்ணறிவு சுற்றுச்சூழல் அமைப்புகளை உருவாக்குவது இந்தியாவின் பொருளாதார பாதுகாப்பு, கலாச்சார நம்பிக்கை மற்றும் சுதந்திரத்துக்கு முக்கியம். இவ்வாறு அவர் பேசினார்.

அதானி நிதியுதவியுடன் செயல்படும் இந்த செயற்கை நுண்ணறிவு மையத்தை 'வித்யா பிரதிஷ்தான்' என்ற கல்வி நிறுவனம் உருவாக்கியுள்ளது. இந்த கல்வி நிறுவனத்தை சரத் பவார் குடும்பத்தினர் நிர்வகித்து வருகின்றனர். இன்றைய நிகழ்வில் சரத்பவார், அவரது மகள் சுப்ரியா சுலே, மஹாராஷ்டிரா துணை முதல்வர் அஜித் பவார் உள்ளிட்டோர் கலந்து கொண்டனர். இந்த மையம் துவங்கப்பட்டுள்ள பாரமதி, சரத்பவார் போட்டியிட்டு வென்ற தொகுதியாகும். தற்போது இந்த தொகுதியில் பவார் மகள் சுப்ரியா எம்.பி.,யாக இருக்கிறார்.