இந்த கல்வி திட்டத்தின் மூலம் 320 ‘மாசிவ் ஓபன் ஆன்லைன் கோர்சஸ்’ (எம்.ஓ.ஓ.சி.,) படிப்புகளை, பிரிட்டனின் 49 கல்வி நிறுவனங்களின் மூலம் பிரிட்டிஷ் கவுன்சில் வழங்கவுள்ளது. ஒவ்வொரு துறையிலும் ஆழமான தொழில்முறை சார்ந்த கல்வியின் மூலம் திறமையான மாணவர்களை உருவாக்குவதே இந்த கல்வி திட்டத்தின் நோக்கமாக தெரிவிக்கப்பட்டுள்ளது. ஒரு மாணவருக்கு ஒரு சான்றிதழ் படிப்பு மட்டுமே இலவசமாக வழங்கப்படும் என்பதும் குறிப்பிடத்தக்கது. மேற்கொண்டு மற்ற படிப்புகளில் சேர விரும்பினால் அதற்கான தொகையை செலுத்த வேண்டும். படிப்பை நிறைவு செய்யும் மாணவர்களுக்கு பிரிட்டன் நாட்டின் அங்கீகரிக்கப்பட்ட சான்றிதழ் வழங்கப்படுகிறது.