‘நேஷனல் கவுன்சில் பார் டீச்சர் எஜூகேஷன்’ என்கிற இந்த அமைப்பிற்கென 1993ம் ஆண்டு பாராளுமன்றத்தில் தனிச் சட்டம் இயற்றப்பட்டு 1995ம் ஆண்டு அமல்படுத்தப்பட்டது. மத்திய உயர்கல்வி துறை மற்றும் மனிதவள துறை அமைச்சகத்தின் அங்கீகாரம் பெற்று புதுடில்லியைத் தலைமையகமாக கொண்டு நாட்டின் பல்வேறு மாநிலங்களில் இது இயங்கி வருகிறது. என்.சி.டி.இ., அமைப்பதற்கு முன் ஆசிரிய கல்வி குறித்த ஆலோசனைகளை வழங்குவதற்காகத் தேசிய கல்வி ஆராய்ச்சி மற்றும் பயிற்சி மன்றம் உருவாக்கப்பட்டது, ஆனால் இந்த அமைப்பிற்கான அதிகாரங்களை வழங்குவதில் ஏற்பட்ட சிக்கல் காரணமாக 1986ம் ஆண்டு தேசியக் கல்விக் கொள்கை கொண்டு வரப்பட்டு முறையான அதிகாரங்கள் என்.சி.டி.இ., அமைப்பிற்கு வழங்கப்பட்டது.