இந்தசூழ்நிலையில், இன்ஜினியரிங் படிக்கலாமா? வேண்டாமா? என்ற கேள்வி மாணவர்கள் மற்றும் பெற்றோர் மத்தியில் எதனால் ஏற்படுகிறது என்றால், 4 ஆண்டு இளநிலை இன்ஜினியரிங் பட்டப்படிப்பை படித்து முடித்தால் வேலை கிடைக்குமா? கிடைக்காதா? என்ற சந்தேகத்தால் தான்... நல்ல வேலை கிடைத்தால் அவர்களது வாழ்க்கைத்தரமே மாறுமே என்ற அவர்களது எதிர்பார்ப்பில் எந்த தவறும் இல்லை. எதிர்பாராத விதமாக, இன்ஜினியரிங் படித்த அனைவருக்குமே வேலை கிடைக்கவில்லை. அதேதருணம், மறுபுறம் பார்த்தோமேயானால், நாம் எப்படி வேலை கிடைக்கவில்லை என்று எண்ணிக்கொண்டு இருக்கிறோமோ, அதேபோல தொழில்நிறுவனங்கள் அவர்களுக்கு தேவையான தொழில்நுட்பத்தை அறிந்த, தகுதியான இன்ஜினியர்கள் கிடைக்காமால், திறன் படைத்தவர்களை எதிர்பார்த்து காத்துகிடக்கின்றன.