சென்னை:
நாட்டில் உள்ள மருத்துவ கல்லுாரிகளின் தரவுகள் அனைத்தையும் பொதுமக்கள் தெரிந்து கொள்ளும் வகையில் தேசிய மருத்துவ ஆணையத்தின் இணையதளத்தில் வெளியிடப்பட உள்ளது.
இதுகுறித்து ஆணையத்தின் இளநிலை மருத்துவ கல்வி வாரிய இயக்குனர் சாம்பு சரண் குமார் வெளியிட்ட அறிவிப்பு:
மருத்துவ கல்லுாரிகள் வெளிப்படை தன்மையுடன் இயங்குவதை உறுதி செய்ய உட்கட்டமைப்பு வசதிகள், பேராசிரியர்கள் விபரங்கள் உட்பட அனைத்தையும் இணையதளத்தில் வெளியிட முடிவு செய்யப்பட்டுள்ளது.
பொதுமக்கள் https://msmer.nmc.org.in என்ற இணையதளத்தில் இந்த விபரங்களை தெரிந்து கொள்ளலாம். இம்முறை வரும் கல்வியாண்டு முதல் நடைமுறைக்கு வருகிறது. இவ்வாறு அதில் கூறப்பட்டுள்ளது.