சென்னை:
முதுநிலை மருத்துவ படிப்புக்கான, நீட் தேர்வுக்கு தகுதியுடையோர் விண்ணப்பிக்கலாம்.

தேசிய மருத்துவ அறிவியல் தேர்வு வாரியமான, என்.பி.இ.எம்.எஸ்., முதுநிலை மருத்துவ படிப்புக்கான நீட் தேர்வை, இரண்டு கட்டங்களாக கணினி வாயிலாக நடத்தி வருகிறது.

நாடு முழுதும், மருத்துவக் கல்லுாரிகளில் உள்ள 52,000 இடங்களில் சேர, 2 லட்சத்துக்கும் அதிகமான எம்.பி.பி.எஸ்., முடித்த டாக்டர்கள், நீட் தேர்வுக்காக காத்திருக்கின்றனர்.

நீட் தேர்வு எழுத, மே 7ம் தேதி வரை, https://natboard.edu.in/ இணையதளம் வாயிலாக விண்ணப்பிக்கலாம். ஜூன் 15 காலை 9:00 மணி முதல், பகல் 12:30 மணி வரை முதல் ஷிப்ட், மாலை 3:30 மணி முதல் இரவு 7:00 மணி வரை இரண்டாவது ஷிப்ட் தேர்வு நடக்க உள்ளது. தேர்வு முடிவுகள் ஜூலை 15ல் வெளியாகும் என அறிவிக்கப்பட்டுள்ளது.