UPDATED : ஜன 17, 2015 12:00 AM
ADDED : ஜன 17, 2015 02:42 PM
கோவை: மாவட்ட அளவில் பள்ளி ஆசிரிய, ஆசிரியர்களுக்கான பூப்பந்து போட்டியில் டி.என்.ஜி.ஆர்.,பள்ளி முதலிடம் பெற்றது.
கலைஞர் கருணாநிதி தொழில்நுட்ப கல்லுாரி சார்பில் பொங்கல் விழாவை முன்னிட்டு மாவட்ட அளவில் பள்ளி ஆசிரியர்களுக்கு வாலிபால், பூப்பந்து போட்டியும்; ஆசிரியைகளுக்கு த்ரோபால், பூப்பந்து ஆகிய போட்டிகளும் கல்லுாரியில் நடந்தன.
* ஆசிரியர்கள் பிரிவு வாலிபால் இறுதி போட்டியில், தெற்குபாளையம் ஏ.வி.பி.,மெட்ரிக் பள்ளி, 25-12, 25-18 புள்ளி கணக்கில் மேட்டுப்பாளையம் மகாஜன பள்ளியை வென்று முதலிடம் பிடித்தது.
பூப்பந்து போட்டியில், வரதராஜபுரம் டி.என்.ஜி.ஆர்., பள்ளி, 29-20, 29-18 புள்ளி கணக்கில் மேட்டுப்பாளையம் மகாஜன பள்ளியை வென்று முதலிடம் பிடித்தது.
* ஆசிரியைகள் பிரிவு த்ரோபால் இறுதி போட்டியில், பீளமேடு ஏ.பி.சி., மெட்ரிக் பள்ளி, 15-2, 15-2 புள்ளிக் கணக்கில் நேரு வித்யாலயா மெட்ரிக் பள்ளியை வென்று முதலிடம் பிடித்தது.
பூப்பந்து போட்டியில், டி.என்.ஜி.ஆர்., பள்ளி, 29-15, 29-18 புள்ளி கணக்கில் மகாஜன பள்ளியை வென்று முதலிடம் பிடித்தது.
