கோவை:
மதுரை சுப்பலட்சுமி லட்சுமிபதி அறிவியல் கல்லுாரி பேராசிரியர் சுரேஷ்குமார் தினமலர்-வழிகாட்டி நிகழ்ச்சியில் பேசினார்.

அவர் பேசியதாவது:


வித்தியாசமான படிப்புகளை தேர்வு செய்ய விரும்புபவர்கள், மெரைன் கேட்டரிங் மற்றும் ஹோட்டல் மேனேஜ்மெண்ட் படிப்புகளை தேர்வு செய்யலாம்.

பிளஸ்2 பாடப்பிரிவில், 50 சதவீதம் மதிப்பெண் பெற்று இருந்தால் போதுமானது. 90 சதவீதம் செய்முறையாகவும், 10 சதவீதம் மட்டுமே தியரியாகவும் கற்றல், கற்பித்தல் முறை அமைந்து இருக்கும். இப்படிப்பில் மட்டுமே, உலகை சுற்றிக்கொண்டே கைநிறைய சம்பாதிக்கலாம். படித்து முடித்தவுடன், கப்பலில் 85 ஆயிரம் ரூபாயில் வேலை எளிதாக பெறலாம். சற்று அனுபவம் பெற்ற பின்னர், 1.50 லட்சம் சம்பளம் பெறலாம்.

இப்படிப்பு முடிப்பவர்கள், கப்பல் மட்டுமின்றி, ஸ்டார் ஹோட்டல், மருத்துவமனைகள், ரயில்வே கேட்டரிங், சுற்றுலாத்துறை உள்ளிட்ட துறைகளிலும் பல வாய்ப்புகள் உள்ளன. சரியான உள்கட்டமைப்பு, நாக்., தரச்சான்று, என்.ஐ.ஆர்.எப்., தரவரிசை, தொழில்துறைக்கு ஏற்ற பாடத்திட்டம் அனைத்தும் உள்ளதா என்பதை நேரடியாக சென்று பார்த்து கல்லுாரியை முடிவு செய்யுங்கள்.

இவ்வாறு, அவர் பேசினார்.