தினமலர்
சினிமா
டிவி
Podcast
iPaper
கோயில்கள்
புத்தகங்கள்
Subscription
திருக்குறள்
கடல் தாமரை
Dinamalar Logo

 

/செய்திகள்/கல்விமலர்/செய்திகள்/கோவை ஈஷா மையத்தில் எஸ் 20 உச்சி மாநாடு

கோவை ஈஷா மையத்தில் எஸ் 20 உச்சி மாநாடு

கோவை ஈஷா மையத்தில் எஸ் 20 உச்சி மாநாடு


UPDATED : ஜூலை 21, 2023 12:00 AM

ADDED : ஜூலை 21, 2023 10:54 AM

Follow on GoogleFavourite on Google

UPDATED : ஜூலை 21, 2023 12:00 AM ADDED : ஜூலை 21, 2023 10:54 AM


Follow on Google
அ நிறம் | அளவு

இக்கூட்டத்தில் 20 நாடுகளைச் சேர்ந்த விஞ்ஞானிகள், கல்வியாளர்கள், வல்லுநர்கள், சட்டம் இயற்றும் திறன் படைத்தவர்கள் உட்பட 100-க்கும் மேற்பட்ட பிரதிநிதிகள் கலந்து கொள்ள உள்ளனர். அவர்கள் சத்குரு உடனான சிறப்பு கலந்துரையாடல் கூட்டத்திலும் பங்கேற்க உள்ளனர். எஸ்-20 குழுவில் இடம்பெற்றுள்ள பிரதிநிதிகள் பசுமை எரிசக்தி, முழுமையான ஆரோக்கியம், சமூகத்துடன் அறிவியலை இணைப்பது போன்ற தலைப்புகளில் ஏற்கனவே மூன்று கூட்டங்களை நடத்தியுள்ளனர். இதன் தொடர்ச்சியாக, ஈஷாவில் நடக்கும் கூட்டத்தில் முந்தைய நிகழ்வுகளில் எடுக்கப்பட்ட முடிவுகளை தொகுத்து அதுகுறித்து கலந்துரையாட உள்ளனர்.ஈஷாவில் ஜி -20 மாநாடு நடக்க இருப்பது தொடர்பாக சத்குரு கூறுகையில், ஜி -20 கூட்டங்கள் ஆன்மீக மையம் உட்பட பல்வேறு விதமான இடங்களில் நடத்தப்படுவது மிகவும் சிறப்புக்குரியது. பாரதத்தை உணர்வதற்கு இது சிறந்த வழியாக இருக்கும் என தெரிவித்துள்ளார். ஜி -20 பிரதிநிதிகளின் 2 நாள் சந்திப்பில் யோக அறிவியல் குறித்த கல்வி அமர்வும் இடம்பெற உள்ளது. இந்த அமர்வை ஹார்வர்டு மருத்துவ பள்ளியின் பேராசிரியரும், விழிப்புணர்வான உலகிற்கான சத்குரு மையத்தின் இயக்குநருமான டாக்டர் பாலசுப்பிரமணியம் நடத்த உள்ளார்.மேலும், சர்வதேச பிரதிநிதிகள் ஈஷாவில் உள்ள பிரதிஷ்டை செய்யப்பட்ட இடங்களான தியானலிங்கம், லிங்கபைரவி, தீர்த்த குண்டங்கள் ஆகிய இடங்களுக்கும் செல்ல உள்ளனர். சம்ஸ்கிருதி பள்ளி மாணவர்கள் களரிப் பயட்டு மற்றும் பரத நாட்டியத்தின் மூலம் பாரதத்தின் பாரம்பரியத்தை பறைச்சாற்ற உள்ளனர். நிகழ்ச்சியில் பங்கேற்க வருகை தந்த பிரதிநிதிகளுக்கு ஈஷா யோகா மையத்தினர் உற்சாக வரவேற்பு அளித்தனர்.உச்சி மாநாட்டில் ஜி 20 நாடுகளின் பிரதிநிதிகள் பங்கேற்பதால், நேற்று மாலை முதல், போலீசார் ஈஷா மற்றும் சுற்றுப்பகுதியில், பாதுகாப்புப் பணியில் ஈடுபட்டுள்ளனர். மாநாட்டில் பங்கேற்போரை வரவேற்கும் விதமாக, கோவை சர்வதேச விமான நிலையத்தில், வரவேற்பு பதாகைகள் வைக்கப்பட்டுள்ளன. உச்சி மாநாட்டுக்கான ஏற்பாடுகளை, இந்திய அறிவியல் நிறுவனம் (ஐ.ஐ.எஸ்சி.,) மேற்கொண்டுள்ளது.

தினமலர் WhatsApp Channel-ல் சேருங்கள்
Latest Tamil news, instantly on WhatsApp
Follow





      Dinamalar
      Follow us