பல்லடம்:
திருப்பூர் வெற்றி நலவாழ்வு மையத் தலைவர் சுந்தரராஜ் கூறியதாவது:

இன்றைய காலகட்டத்தில், தொழில்நுட்ப வளர்ச்சி, ஊடக வளர்ச்சி உள்ளிட்டவற்றின் காரணமாக, இளம் தலைமுறையினரிடையே ஒழுக்கம் குறைந்து வருகிறது.

தவறான சேர்க்கை, பழக்கவழக்கங்கள், சிந்தனைகள் உள்ளிட்டவற்றால் மாணவர்கள் பாதை மாறிச் சென்று விடுகின்றனர். இது அவர்களுடைய வாழ்க்கையையே சீரழித்து விடுகிறது. இவர்களுக்கான தீர்வு தான் பல்லடத்தில் நடக்கும் பதின் பருவ பண்பு பயிற்சி முகாமாகும்.

பல்லடம் வனாலயம் அடிகளார் அரங்கில், 22 முதல் மே 3ம் தேதி வரை பெண் குழந்தைகளுக்கும், 6 முதல் 17ம் தேதி வரை ஆண் குழந்தைகளுக்கும் பயிற்சி முகாம் நடக்க உள்ளது.

முகாமில், திரைப்பட இயக்குனர் சமுத்திரக்கனி, நடிகர் தாமு, சிந்தனை பேச்சாளர் ஸ்டாலின் குணசேகரன் உள்ளிட்ட பேச்சாளர்கள் மற்றும் மருத்துவர்கள் என, மிகச் சிறந்த ஆளுமைகள் பங்கேற்று பயிற்சி அளிக்கின்றனர்.