தினமலர்
சினிமா
டிவி
Podcast
iPaper
கோயில்கள்
புத்தகங்கள்
Subscription
திருக்குறள்
கடல் தாமரை
Dinamalar Logo

 

/செய்திகள்/கல்விமலர்/செய்திகள்/கொல்கத்தா பல்கலையில் ஆய்வு உதவித்தொகை

கொல்கத்தா பல்கலையில் ஆய்வு உதவித்தொகை

கொல்கத்தா பல்கலையில் ஆய்வு உதவித்தொகை


UPDATED : செப் 19, 2011 12:00 AM

ADDED : செப் 19, 2011 02:52 PM

Follow on GoogleFavourite on Google

UPDATED : செப் 19, 2011 12:00 AM ADDED : செப் 19, 2011 02:52 PM


Follow on Google
அ நிறம் | அளவு

பல்கலைக்கழகத்தின் வேதியியல் துறை சார்பில் விடுக்கப்பட்டுள்ள அறிக்கையில் கூறியிருப்பதாவது: பேராசிரியர் சைதாலி முகோபத்யாய் வழிகாட்டுதலின் கீழ் &'Influence of Ganglioside on the structure and Dynamic of membrane- Bound peptides / Proteins&'  என்ற தலைப்பின் கீழ் ஆய்வு செய்ய சி.எஸ்.ஐ.ஆர்., சார்பில் ஆய்வு உதவித்தொகை வழங்கப்பட உள்ளது.

வேதியியலில் முதுநிலைப்பட்டத்தை குறைந்தபட்சம் 60 சதவீத மதிப்பெண்களுடன் பெற்றிருக்க வேண்டும். பிசிக்கல் கெமிஸ்ட்ரி முடித்தவர்களுக்கு முன்னுரிமை வழங்கப்படும். நெட் அல்லது கேட் தேர்வில் தேர்ச்சி பெற்றிருத்தல் அவசியம்.

கடந்த முதல் தேதி அன்று அதிகபட்ச வயது 28 ஆக இருக்க வேண்டும்; பெண்கள், எஸ்.சி., மற்றும் எஸ்.டி., பிரிவினருக்கு ஐந்து ஆண்டுகள் வயது வரம்புச் சலுகை உண்டு. உதவித்தொகையாக சி.எஸ்.ஐ.ஆர்., விதிகளின் படி  தகுதியைப் பொருத்து 16 ஆயிரம் ரூபாய் அல்லது 12 ஆயிரம் ரூபாய், இதர சலுகைகள் வழங்கப்படும்.

விருப்பமுள்ளவர்கள் வரும் 13ம் தேதி அன்று, கோல்கத்தா பல்கலை வளாகத்தில் நடக்கும் நேர்முகத்தேர்வில் முழுமையான சுயவிவரக்குறிப்பு இரண்டு பிரதிகள், சான்றொப்பமிடப்பட்ட ஆவணங்கள், அசல் சான்றிதழ்களைக் கொண்டு வர வேண்டும். பங்கேற்பாளர்களுக்கு பயண மற்றும் தினப்படி வழங்கப்படமாட்டாது. இவ்வாறு, அந்த அறிக்கையில் தெரிவிக்கப்பட்டுள்ளது.

நிலவியல்(Geology)  துறை சார்பில் விடுக்கப்பட்டுள்ள அறிக்கை:
பேராசிரியர் சான்டனு போஸ் வழிகாட்டுதலின் கீழ், “Interpretation of multiple deformations in the Eastern Himalaya: A kinematic correlation with orogenic movements” என்ற தலைப்பில் ஆய்வு செய்ய ஆய்வாளர்கள் வரவேற்கப்படுகின்றனர். ஆய்வுக்கால அவகாசமாக இரண்டு ஆண்டுகள் எட்டு மாதம் வழங்கப்பட்டுள்ளது.

ஜியாலஜி, அப்ளைடு ஜியாலஜி பாடப்பிரிவில் முதுநிலையில் முதல்வகுப்பில் தேர்ச்சியுடன், நெட் தேர்ச்சி பெற்றிருக்க வேண்டும். அமைப்பில் ஆய்வுகளில் (structural reseach) ஈடுபட்ட அனுபவம் இருக்க வேண்டும்.

உதவித்தொகையாக மாதம் 16 ஆயிரம் ரூபாய்; 30 சதவீத வீட்டு வாடகைப்படி மற்றும் இதரபடிகள் வழங்கப்படும். விருப்பமுள்ளவர்கள், வரும் 19ம் தேதி பல்கலைக்கழக வளாகத்தில் மாலை 4.30 மணிக்கு நடக்கும் நேர்முகத் தேர்வில் போதிய சுயவிவரக்குறிப்புகள், அசல் சான்றிதழ்களுடன் பங்கேற்கலாம்.

இவ்வாறு, அந்த அறிக்கையில் தெரிவிக்கப்பட்டுள்ளது.
மேலும் விவரங்களுக்கு http://www.caluniv.ac.in/News & Announcement/news_frame.htm என்ற இணைப்பை பார்க்கவும்

தினமலர் WhatsApp Channel-ல் சேருங்கள்
Latest Tamil news, instantly on WhatsApp
Follow





      Dinamalar
      Follow us