சென்னை:
சென்னை, எழும்பூரில் இயங்கும், தமிழக தொல்லியல் மற்றும் அருங்காட்சியகவியல் நிறுவனத்தில், இரண்டாண்டு கால தொல்லியல், கல்வெட்டியல், அருங்காட்சியகவியல் மரபு மேலாண்மை மற்றும் நாணயவியல் பிரிவுகளில், முதுநிலை பட்டயப்படிப்புளும், ஓராண்டு கால சுவடியியல், முதுநிலை பட்டய படிப்புகளும் கற்பிக்கப்படுகின்றன.

எழுத்து தேர்வு, நேர்முகத் தேர்வு மதிப்பெண் அடிப்படையில் சேர்க்கை நடக்கும். தேர்வாகும் மாணவர்களுக்கு, மாதாந்திர உதவித் தொகையாக, 8,000 ரூபாய் வழங்கப்படும்.

விருப்பம் உள்ளோர், 'www.tnarch.gov.in' என்ற இணையதளத்தில் உள்ள விண்ணப்பத்தை பதிவிறக்கி, உரிய சான்றிதழ்களுடன், 'ஆணையர், தொல்லியல் துறை, தமிழ் வளர்ச்சி வளாகம், தமிழ் சாலை, எழும்பூர், சென்னை - 600008' என்ற முகவரிக்கு, ஜூலை 8க்குள் அனுப்ப வேண்டும்.

மேலும் விபரங்களுக்கு, 044 - 2819 0023 என்ற தொலைபேசி எண்ணில் தொடர்பு கொள்ளலாம்.